என் உயிரே...!

குழந்தை வளர்ப்பு..!

2011-06-28T13:50:00.001+04:00

குழந்தை வளர்ப்பு என்பது

கம்பி மேல் நடக்கும்

குரலிவித்தையில்லை

எப்படிவேனாலும் வளரலாம்

எப்படி வளர்த்தோம் என்பதை

அப்பா

இவர்தான் என்று அடையாளம்

காட்டப்படும்போது உணர்வாய்

அன்று இந்த உலகம்

உன்னை தலையில்

வைத்து கொண்டாடும்

அதே உலகம்

உனை மூழ்கடித்து

மீண்டும் மீண்டும் இறக்கச்செய்யும்

நீ வள்ர்த்த விதம் தவறானால்

முழுகவனம் செலுத்து

அங்க அசைவுகளையும் கவனி

நல்லதை போற்ற கற்றுக்கொடு

மரியாதை தர கற்றுக்கொடு

நாளை தரங்கெட்ட

பிள்ளைகளால் உறுவான

முதியோர் இல்லம்

இல்லாமல் போகும்.......

தமிழினத்துக்கு எதிரான போரில்...

2011-06-20T17:24:00.001+04:00

யுத்தம் முடிந்து

இரண்டாம் வருட கொண்டாட்டமாம்

வாழ்த்துக்கள் சொல்லி

சிலாய்க்கிறார்கள் இந்த

பிணந்திண்ணி பேய்கள்..!

எத்தனை வருட தவம்

எத்தனை உயிர் சேதம்

கல்வியும் கலவியும்

இனி மரத்தடியிலா...?

வாழும் உரிமையற்று

வாய்ப்புக்கு வழிதேடி

சந்தி சிரிக்கிறது

என் தமிழ் இனம்...

பிசாசுகளே பொறுங்கள்

பீனிக்ஸ் பறவையாக

பிடில் பிடித்து வாசிக்க

வருவோம் கூடியவிரைவில்...

அன்றுதான் உமக்கு

உண்மையான கொண்டாட்டம்...!

செம்மொழியான தமிழுக்கு அங்கீகாரம் கிடைத்ததா?

2010-07-31T09:12:00.012+04:00

செம்மொழியான தமிழ் மொழியே!!! இது சமீப காலமாக நாம் அனைவரும்முனுமுனுத்த வார்த்தை, அதையும் தாண்டி ஏ.ஆர். ரகுமானி இசையினூடேபாடலாகவும் முனுமுனுக்க வைத்தது, வைத்துக்கொண்டிருக்கிறது. 400 கோடிரூபாய் செலவு செய்து 5 நாட்கள் வெற்றிகரமாக நடத்தி முடித்த தமிழ்நாட்டுஅரசுக்கு ஒரு சபாஷ்..!

இதெல்லாம் சரி, மொழியால் ஒன்றினைந்த நம் தாய் மொழியாம் தமிழுக்குஇந்திய அரசாங்கத்தால் அங்கீகாரம் கிடைத்ததா என்பது ஒருகேள்விக்குறியாகவே இருக்கிறது. அதை நிரூபிக்கும் வகையில்வெளிநாடுகளில் தமிழ் புறக்கணிக்கப்படுவது ஒரு புறம் இருக்கிறது (இந்தியாவுலேயே அதுவும் தமிழ்நாட்டுலேயே இது நடக்குதுனு சொல்றதுகாதுலே விழுது..)

தன் குழந்தைக்கு கடவுச்சீட்டு (பாஸ்போர்ட்) எடுப்பதற்கு தாய்/தந்தை இருவரும் தத்தமதுகடவுச்சீட்டுடன் பாஸ்போர்ட் அலுவலகத்திற்குசென்று தேவையான கோப்புகளை பூர்த்திசெய்து கொடுத்தால் அது சரி பார்க்கப்பட்டுகுறைந்தது 10 நாட்களின் கடவுச்சீட்டு வீடுவந்து சேரும். இதே தந்தை வெளிநாட்டில்வேலை நிமித்தகாக தங்கிருக்க நேர்ந்தால்..?

ஒவ்வொரு நாட்டிலும் ஒரு தூதரகம் உண்டு, குழந்தையின் முதன்மை (ஒரிஜினல்) பிறப்புச்சான்றிதளையும் தன் முதன்மை கடவுச்சீட்டையும்கொடுத்தால் கோப்புகள் சரிபார்க்கப்பட்டு Affidavity என்ற ஒரு forum கிடைக்கும், அதை அந்த குழந்தையின் தாய் தன் கடவுச்சீட்டுடன் பாஸ்போர்ட்அலுவலகத்துக்கு எடுத்துச்சென்றால் அந்த குழந்தைக்கு கடவுச்சீட்டு கிடைக்கும். அந்த Affidavity Forum அந்த இடத்தில் தந்தை ஸ்தானத்தில் செய்லபடுகிறது, அது அவர் வெளிநாட்டில் இருக்கிறார் என்பதற்கு அடையாளம்.

சரி இப்போ விசயத்துக்கு வருவோம்... என் நண்பர் அவரின் மகளுக்கு கடவுச்சீட்டுபெறுவதற்காக ஊரிலேர்ந்து குழந்தையின் பிறப்பு சான்றிதள் வரவழைத்துமிகுந்த வேலைப்பளுக்கிடையே துபாயில் உள்ள இந்திய தூதரகத்திற்கு சென்றுஇருக்கிறார்.

சென்ற வேகத்துலேயே எந்த வேலையும் ஆகாமல் திரும்பவந்துவிட்டார். காரணம் கேட்டதற்கு அந்த பிறப்புச்சான்றிதழ் முழு முதற்கொண்டு தேவையானவிபரங்கள் பூர்த்தி செய்தது செம்மொழியாம் தமிழிலேயே இருக்கிறதாம். அவ்வாறு இருந்தால் அதற்கான அஃபிடவிட்டி தரமாட்டாங்களாம்.

ஆங்கிலம்
அராபிக்
ஹிந்தி
மலையாளம்

மேற் குறிப்பிட்ட மொழிகளில் அல்லாது வேறு மொழியில் இருந்தால்ஒத்துக்கொள்ளப்ப்டமாட்டாதாம். இவ்வாறு நண்பர் கூறி ஆதங்கப்பட்டார்.

மற்ற மூன்றையும் விட்டுவிடுவோம், மலையாளம் செம்மொழியாய்அங்கீகரிக்கப்பட்ட மொழியா? இந்திய தூதரகம் என்பதற்கு பதில் கேரள தூதரகம்என்று அழைக்கும் அளவிற்கு மலையாளீகளின் ஆக்கிரமிப்பு இருக்கிறது என்பதுஉண்மை. பாஸ்போர்ட் அலுவலகம் தமிழ்நாட்டுலேதானே இருக்கிறது, தமிழ்நாட்டில் உள்ள ஒரு அலுவலகத்திற்கு தமிழில் தறும் சான்றிதள்புறக்கணிப்படுமா? இங்கு வேலை செய்பவர்களுக்கு தமிழ் தெரியும்தானே. தமிழை அங்கீகரிக்க வேண்டும் என்று இந்திய தூதரகத்துக்கு அரசாங்கம்உத்தரவிடவில்லையா. இதைவிட பெரிய கொடுமை என்னவென்றால் இரண்டுமாதங்களுக்கு முன்னர்தான் தமிழில் பிறப்புச்சான்றிதழ் இருந்தால்ஏற்றுக்கொள்ளப்படமாட்டாது என்ற இயற்றப்படாத சட்டம் அமுலாகிருக்கிறது. அதுவும் இரண்டு மாதம்கூட ஆகவில்லை செம்மொழி மாநாடு நடந்து.

என்னாலே இப்படி எழுததான் முடிகிறது, சிலது சரியாக நடவடிக்கை எடுக்கலாம், சிலது தனது ஆதங்கத்தை சொல்லலாம். இந்த பதிவு சரியான நபர்களிடம் சேர்ந்து அதற்கான தீர்வு கிடைத்தால் ஒட்டுமொத்த தமிழனுக்கும் பெருமை. நடக்குமா..???

பசங்க ஒரு கோப பார்வை..!

2010-07-21T16:44:00.018+04:00

அபுஅஃப்ஸராகிய நான் இப்போது அப்துல்மாலிக் என்ற உண்மையான பெயருடன் நீண்ட நாட்களுக்குப்பிறகு வலைத்தளத்திலுள்ள நட்பு மலர்களைசந்திக்கவருகிறேன். காலச்சூழ்நிலை நம்மை எங்கெங்கோ கொண்டுசேர்த்துவிட்டது, வேலைப்பழு அதிகமாகி அதிகம் எழுத முடியாமல் போனது (தப்பிச்சோம்னுஇருந்தீங்களா?), இருந்தாலும் அவ்வப்போது எல்லா மலர்களைநுகர்ந்தும்முடிந்தால் சில பூக்களுக்கு தண்ணீர் ஊற்றியும் சென்றிருக்கிறேன். இனிமேல்நானும் பூக்கள் முளைக்க மீண்டும் விதை தூவ ஆரம்பிச்சாச்சு.

நான் பதிவெழுத வந்த போது பதிவெழுதிய எத்தனையோ நல்ல எழுத்தாளர்கள், கவிஞர்கள் இப்போவெல்லாம் ஏனோ சில பல காரணத்துக்காக ஒதுங்கியே இருக்கிறார்கள், அவர்கள் மீண்டும் எழுத வேண்டும் என்பது என் அவா

அமீரகத்தில் பள்ளி விடுமுறை ஆரம்பிச்சாச்சு, ஜூலை, ஆகஸ்ட் மாதம் இங்கேவிடுமுறை. இந்த இரண்டு மாதங்கள் மட்டும் அதிகமானோர் வெக்கேஷனுக்குதத்தமது நாடுகளுக்கு சென்றுவிடுவதால் ட்ராஃபிக் குறைவாகவே இருக்கும், பெரும்பாலான ஷாப்பிங்க் காம்ளெக்ஸில் கூட்டமும் குறைவாகவேகாணப்படும்.இந்த வருடம் வெயிலின் தாக்கம் கொஞ்சம் அதிகமாகவேஇருக்கின்றன. இது போன்ற நேரத்தில் ஷார்ஜாவில் மின்சாரம் ஒரு நாளைக்குகுறைந்தது நான்கு முதல் ஆறு மணி நேரம் மணி நிறுத்திவிடுகிறார்கள். மின்சாரத்தேவை எவ்வளவு இன்றியமையாயது என்பது வளைகுடாநாடுகளில்குப்பைகொட்டுபவர்களுக்கு தான் தெரியும்.

பள்ளி விடுமுறையின் காரணமாக வீட்டில் இருக்கும் என் பையன் செய்யும் அட்டகாசம் தாங்க முடியவில்லை. பாவம் இப்படி அடைத்து வைத்தால் என்னதான் செய்வாங்க. சும்மா இருக்கும்போது விளையாடுவது, கார்ட்டூன் பார்ப்பது, நினைத்ததை வரைவது இப்படி ஏதாவது வேலை செய்துக்கொண்டிருக்கும் என் மகனை ஒரு நாள் சாப்பிடாமல் அடம்புடிச்ச காரணத்தால் கொஞ்சம் ஓவராக(?) அடித்துவிட்டேன். அவ்வளவுதான் கடுப்பாகிப்போய் அவன் வரைந்த ஓவியத்தில் என்ன செய்திருக்கிறன் என்பதை பாருங்க.தெரியாதவர்கள் படத்தை பெரிதாக்கி பார்க்கவும்

அதோடு ஒரு பேப்பர் பென்சிலை எடுத்து தன்னை இவ்வாறு அடிச்சுட்டாங்களேஎன்ற ஆதங்கம் தாங்கமுடியாமல் கீழே உள்ளவாறு எழுதி என் கிட்டேபடிச்சுப்பார்க்க சொல்லி காட்டினார்.
சரியா தெரியாவிடில் படத்தை க்ளிக்கி படிக்கவும்
இது முன்னர் வரைந்த படம், அப்புறம் கிறுக்கி மேலே ஹேப்பி ஃபேமிலினுஎழுதிட்டு அடி வாங்கியது அதையே கிறுக்கி.....

இப்பொழுது முதல் வகுப்பு கிரேட்-1 படித்துக்கொண்டிருக்கிறார்

இப்போ உள்ள பசங்களுக்கு என்னா மாதிரியான கோபம் வருதுனு சொல்றதுக்கு இதைவிட ஒரு நல்ல உதாரணம் இல்லை. நாம சிறுவராக இறுந்த போது நம்பெற்றோர்களிடம் அடி வாங்கியது மாதிரி நினைத்து நம் பிள்ளைகளையும்அடித்தால் பின் விளைவை நிறைய சந்திக்க நேரிடும். காலம் மாறிப்போச்சு.... .

நித்தியானந்தா அப்படி என்னதான் செய்தார்?

2010-03-11T13:07:00.012+04:00

நேற்று விஜய்டீவீயில் நித்யானந்தா பற்றி முழுதுமாக அறிந்துக்கொள்ளமுடிந்தது. மக்கள் அடைக்கலம் புகுந்ததுக்கு முக்கியமான மூலதனம் மனதுக்கு தேவையான அமைதி, அது தியானம், மனதை ஒருநிலைப்படுத்துதல் என்பது தெரிகின்றது. இப்போதுல்ல அவசர உலகத்துலே நம்மளையும் நிலை நிறுத்திக்கனும்னா மனதுக்கு தேவை அமைதி, இதுலே வெற்றிப்பெற்றால் இந்த உலகத்தோடு ஒன்றி வாழ்க்கையை சந்தோஷமாக நகர்த்த முடியும். ஒருத்தர் ஓய்வு பெற்ற தமிழாசிரியராம், அவருக்கு உடல்நிலை சரியில்லையாம், மருத்துவர் அட்வைஸ்படி அவர் தினமும் மாத்திரை எடுத்துக்கொள்ளனுமாம் அதோடு ஓய்வும் தேவையாம். இருந்தாலும் இதெல்லாம் இல்லாமல் நித்த்யானந்தா தியான பீடத்துக்குசென்றால் எல்லா நோயும் குணமாகிவிடுதாம்.

இப்போ உடல்நிலை சரியில்லை என்று மருத்துவரிடம் செல்லும் பட்சத்தில் ஆன்டிபயடிக் மாத்திரை கொடுத்து ஓய்வு எடுத்தால்தான் குணமாகும் என்று சொல்லுவார். அப்ப‌டி ஓய்வு எடுக்காத‌ப‌ட்ச‌த்தில் எவ்வ‌ள‌வு மாத்திரை எடுத்தாலும் குண‌மாக‌ நெடுநாட்க‌ளாகும் அதே ச‌ம‌ய‌ம் இந்த‌ ம‌ருத்துவ‌ரிட‌ம் சென்றால் குண‌மாகிவிடும் என்ற‌ எண்ண‌த்துட‌ன்சென்றால் அது நிச்ச‌ய‌ம் ந‌ட‌க்கும் ஏனென்றால் ம‌ன‌க்க‌ட்டுப்பாடுதான் நோய் குண‌ப்ப‌டுத்துவ‌தில் முக்கிய‌ கார‌ண‌ம். இந்த மனதை ஒருநிலைப்படுத்தும் ஒரு யுக்தியைதான் நித்தி தியானபீடத்தில் சொல்லிக்கொடுக்கப்படுகிறது, இவருடைய நோய் குணமாவதற்கு ஒன்று அங்கு சென்றால் குணமாகும் திடமான நம்பிக்கை, இரண்டு யோகா. இதன் அடிப்படை காரணங்களை தெரிந்துக்கொண்டால் தன் வீட்டிலேயே செய்யலாம் அங்குதான் செல்லவேண்டும் என்ற அவசியம் ஏற்படாது, ஆனால் அவ்வாறு எத்தனை பேர் இதை தினமும் முழுமனதுடன் செய்யமுடியும். நான் கூட எத்தனையோ முறை தினமும் மாலைவேளையில் குறைந்த பட்சம் 30 நிமிடம் உடற்பயிற்சி செய்யவேண்டும் என்ற என்னத்தில் ஒவ்வொரு நாளும் நகர்ந்துக்கொண்டிருக்கிறது, நம்மில் எத்தனை பேர் நினைத்தது செய்கிறோம், அப்படியே செய்தாலும் அது எத்தனை நாளைக்கு நீடிக்கும்?

இத‌ற்காக‌தான் அந்த‌ந்த‌ ம‌த‌த்தின‌ர் தாங்க‌ளுடைய‌ வ‌ழிபாட்டுத்த‌ள‌ங்க‌ளை நோக்கி செல்கிறார்க‌ள். கிறிஸ்த‌வ‌ர்க‌ள் ச‌ர்ச்சில் ம‌ண்டியிட்டு தியான‌ நிலைக்கு செல்வ‌தும், முஸ்லிம்க‌ள் ப‌ள்ளிவாச‌லில் ம‌ன‌தை ஒருநிலைப்ப‌டுத்தி இறை தொழுவ‌தும், இந்துக்க‌ள் கோயிலில் இரு கைக்கூப்பி ம‌ன‌தை ஒருநிலைப்ப‌டுத்துவ‌தும், இன்னும் பிற‌ ம‌த‌த்த‌வ‌ர்க‌ள் இதேநிலை க‌டைப்பிடிப்ப‌தும் ந‌ட‌ந்துவ‌ருகிற‌து.

இந்த‌ லாஜிக்கை சாமியார்க‌ள் என்று சொல்லிக்கொள்ளும் ஒரு சில‌ர் ம‌க்க‌ளின் ம‌ன‌நிலைக‌ளை ந‌ன்க‌றிந்து அவ‌ர்க‌ளை தியான‌ம் (யோகா) என்ற‌ நிலைக்குட்ப‌டுத்தி அத‌ன்மூல‌ம் அவ‌ர்க‌ளை த‌ம் திற‌மைவாந்த‌ பேச்சாற்ற‌லால் த‌ன் வ‌சிய‌ப்ப‌டுத்தி நிறைய‌ காரிய‌ங்க‌ளை சாதித்துக்கொள்கிறார்க‌ள்.

சென்ற‌ வார‌ம் இன்று பெரிய‌ள‌வில் பாப்புல‌ராகிக்கொண்டிருக்கும் "இமாமி" க‌ம்பெனியின் முத‌ளாலி சொல்லியுள்ள‌ ஒரு பேட்டியில் த‌வ‌றாம‌ல் செய்யும் நான்கில் முத‌லாவ‌தாக‌ தின‌மும் த‌வ‌றாம‌ல் 1 ம‌ணிநேர‌ம் செய்யும் தியான‌ம் என‌ப்ப‌டும் யோகா, இதுவே இவ‌ருடைய‌ பிஸினெஸ் வெற்றிக்கும் அத‌னால் தொழிலாள‌ர்க‌ளையும், வியாபார‌யுக்திக‌ளையும் எளிதாக‌ கையாள‌ முடிகிற‌து என்கிறார்.

குடும்பத்தில், அலுவலில், பிஸினெஸில், கணவன்/மனைவிக்குள், காதலர்களுக்குள் இப்படி எத்தனை பிரச்சினைகளில் தினமும் மக்கள் சிக்கித்தவிக்கிறார்கள். ஒருத்தனுக்கு பணம் இல்லாமல் பிரச்சினை, ஒருத்தனுக்கு பணமே பிரச்சினை, இப்படி நிறைய. இந்த காலகட்டத்தில் மனதுக்கு அமைதி தேவைப்படுது, மனிதன் எதையோ தேடி அலைகிறான், அப்போதுதான் சாமியார்களின் அறிமுகம் கிடைக்கிறது. அங்கு செல்கிறான், அவர் இவனை தியானத்தில் ஈடுபடுத்துகிறார், ஆன்மீக வழியை சொல்லிக்கொடுக்கிறார், தன் பேச்சிலில் அவனை மெஸ்மரிசம் செய்கிறார், கடைசியில் தனக்கு எல்லாமே கிடைத்தாமாதிரி உணர்கிறான் முடிவில் நீ தான் என் கடவுள் என்று நம்புகிறான். அந்த இடத்தில் ஒரு சாதாரன மனிதன் உண்டு, உறங்கி, மலஜலம் கழித்து, இச்சைகளை தீர்த்துக்கொள்பவன் கடவுளாகிறான். அந்த கடவுளுக்கு தான் நினைத்ததைவிட பணம், புகழ் தானாக வந்து சேருகிறது, அந்த சுகத்தில் மித‌க்கும் அந்த‌ க‌ட‌வுளுக்கு ம‌ன‌து வேறு ப‌க்க‌மும் திசை மாறுகிற‌து. இது வ‌ரை க‌ன‌வுளேயும், போஸ்ட‌ரிலேயும் பார்த்த‌ த‌ன‌க்கு கைக்கெட்டும் தூர‌த்தில் எல்லாமே அமைகிற‌து, தான் க‌ற்பித்த‌ ஆன்மீக‌த்திலிருந்து ம‌ன‌து இட‌ரி சாதார‌ண‌ ம‌னித‌னுக்கேயுறிய‌ வேலைக‌ள் செய்ய‌தூண்டுகிற‌து. இதிலேர்ந்து அவ‌னும் ம‌னித‌ன்தான் க‌ட‌வுள் இல்லை என்ப‌து தெளிவாக‌ புரிகிற‌து

இது எல்லாமே தெளிவாக‌ தெரிந்தும் ஆழ்ம‌ன‌துக்கு கேட்க‌மாட்டேங்குது இன்ன‌மும் இது எங்கோ த‌ப்பு ந‌ட‌ந்திருக்கு, இவ‌ர் இன்னும் எங்க‌ளை மாதிரி ந‌ம்புன‌வ‌ங்க‌ளுக்கு க‌ட‌வுள் தான், எல்லாமே இட்டுக்க‌ட்ட‌ப்ப‌ட்ட‌ பொய் என்றும், த‌ன் பெற்றோரே தன் மகனை மீட்டுத்த‌ர‌ சொல்லி போலீஸில் க‌ம்பளெயின் கொடுத்தும் இதுதான் எனக்கு சொர்க்க‌ம், இதுதான் என் வாழ்க்கை என்று சொல்லும் இளைஞ‌ர்க‌ளின் ம‌ன‌நிலையை யாரால் மாற்ற‌முடியும்? அவ‌ர்க‌ளால் இது எல்லாம் பொய் என்று அவ‌ர்க‌ளின் ஆழ் ம‌ன‌துக்கு அறியும் வ‌ரை...

ம‌க்க‌ளுக்கு சுய‌ அறிவு என்ற‌ ஒன்று க‌ட‌வுளால் த‌ர‌ப்ப‌ட்டிருக்கும் அந்த‌ ஆறாவ‌து அறிவை ப‌ய‌ன்ப‌டுத்தாத‌வ‌ரை இது மாதிரி ம‌னித‌க்க‌ட‌வுள்க‌ளின் அட்டூழிய‌ம் தொட‌ர்ந்துக்கொண்டேதானிருக்கும்.

‌

கவர்ண்மென்ட் உத்தியோகம்..!

2010-02-27T12:02:00.005+04:00

ஆரம்ப பள்ளி, வகுப்பறையில் ஆசிரியர் பாடம் நடத்திக்கொண்டிருந்தபோது பக்கத்தில் சகவயதுடைய மாணவன் தன்னுடைய புது வகையான லெதர் பேக்கிலிருந்து ஜாமின்ட்ரி பாக்ஸ் திறந்து அழகழகான நிறமும் வடிவமுடைய பென்சில், பேனா, ரப்பர், ஸ்கேல் எடுத்து இது என் வாப்பா சிங்கப்பூரிலிருந்து அனுப்பிருக்காங்க என்று பெருமையடித்துக்கொண்டிருந்தான். அதைப்பார்த்த இவன் தன்மேல் வெறுப்பும் கோபமும் வருகிறது. நாம் ஏன் வெளிநாட்டிலிருக்கும் தந்தைக்கு மகனாக பிறந்திருக்கக்கூடாது, இங்கு ஏன் பிறந்தோம் என்று அழுதே விட்டான் தான் கொண்டுவந்திருக்கும் அழுக்கான பரக்கத்ஸ்டோர் என்று எழுதிருக்கும் மஞ்சள்பையையும் அதுலே கூருடைந்த ஒரு பெண்சிலும், சிறு துகள்களாக உள்ள சில கல்லுக்குச்சிகளும் இருப்பதை பார்த்து.

இவனுடைய தந்தை மாத சம்பளத்திற்கு வேலை செய்யும் ஆர‌ம்ப‌ப்ப‌ள்ளியின் த‌ல‌மையாசிரிய‌ர், எல்லாத்துலேயும் க‌ண்டிப்பு நேர‌ம் த‌வ‌றாமை ப‌டிப்பு, குரான் ஓதுத‌த‌ல், இறைதொழ செல்லுத‌ல், இப்ப‌டியாக‌... வீட்டிலேயிருந்து ப‌டித்துக்கொண்டிருக்கும்(ப‌டிப்ப‌து மாதிரி ந‌டிப்ப‌து)வெளியில் விளையாடும் கிளித்த‌ட்டு, க‌ண்டுவிளையாட்டு, சில்லுக்கோடுக‌ளால் போடும் கூக்குர‌லால் ம‌ன‌து எதிலேயுமே ல‌யித்திருக்காது. இப்போதும் அதே ம‌ன‌நிலை நாம் ஏன் இங்கே பிற‌ந்தோமென்று ஏனென்றால் வெளியே விளையாடும் ப‌ச‌ங்க‌ளின் த‌ந்தைக‌ள் வெளிநாட்டில் உத்தியோக‌ம். சிறுவ‌ய‌த்திற்கேயுரிய‌ ப‌டிப்பு/ஓதுத‌ல் த‌விர‌ அனைத்திலும் மன‌துசெல்லும் அதுலே இவ‌ர்க‌ள் ச‌ந்தோஷ‌மாக‌ இருக்கிறார்க‌ள், இதுலே தொலைக்காட்சி/சினிமா பார்ப்ப‌து. இதுமாதிரி தான் அனுப‌விக்காத‌ ஒவ்வொரு நிமிட‌மும் இதேம‌ன‌நிலையில் இவ‌னின் ம‌ன‌தும் அழுத‌து.

பல வருடம் கழித்து வேலைக்காக அப்ளைசெய்து கடைசியில் இவனே வெளிநாட்டில் வேலைப்பார்க்கும் கட்டாயத்திற்கு தள்ளப்பட்டான். அந்த வெளிநாட்டுவேலை, கைநிறைய சம்பளம், நினைத்தமாதிரி வாழ்க்கை என்ற மனநிலையின் வெளிப்பாடாக கூட இருக்கலாம். ஆனால், எவ்வளவுதான் சம்பாதித்தாலும் குடும்பத்தாருடனும், தெரு/ஊரு ஆட்களுடனும் மனசு ஏனோ ரொம்ப தூரம் தள்ளியிருப்பதுபோல்தான் தோன்றுகிறது, இதே இவனின் தந்தை குறைந்த சம்பளம் வாங்கினாலும் நிறைவான வாழ்க்கை, தன் மனைவியை விட்டு என்றும் பிரியாநிலை, மகன்/மகள், பேரன்/பேத்தியை விட்டு பிரியாமல் அவர்களின் சுக/துக்கத்தில் பங்கெடுத்து, குடும்பத்திலும் ஊரிலும் நடக்கும் அனைத்துவகையான சுக/துக்கத்திலும் பங்கெடுத்து, தன் வேலை நேரம் போக பொதுப்பணியில் தந்தை ஈடுபத்தி தன்னாலான சேவையை இந்த சமுதாயத்திற்காக செய்தது எல்லாம் இந்த உத்தியோகத்தினால் மட்டுமே சாத்தியம்.

இன்று எத்தனையோ வெளிநாட்டு வாழ்கைப்பற்றி கவிதைகள், சம்பவங்கள் படித்தும் பார்த்தும்கொண்டிருக்கிறோம், இதுலே தங்கை கல்யாணம், பெற்றோரை கவனிப்பது, தனக்கென்று ஒரு வீடு, ஏதாவது பிஸினெஸ் பண்ண கொஞ்சம் பணம் இப்படிபட்ட காரணத்திற்க்காக வெளிநாடு செல்ல கட்டாயப்படுத்தபடுகிறது, ஆனால் இதன்மூலம் மேற்சொன்னதை முழுமனதோடு நிறைவேற்றிருக்கிறோமா? அப்படியே நிறைவேற்றுவதற்கு தன் இளமை, தளர்ச்சி, நோய்கள்தான் மிச்சமிருக்கிறாது. ஒரு நாள் ரிடையர் என்ற ஒன்று பெறும்போது நல்ல கம்பெனியில் வேலைசெய்தால் கிராஜுவிட்டி என்ற பணம் கிடைக்கும், அதை வைத்து தனக்கு வைத்தியம் செய்யவே போதுமானதாக இருக்கும், தன் மனைவிக்கோ, குழந்தைகளுக்கோ கடைசிவரை நிரந்தரமாக ஒன்றுமே விட்டுவைக்கவில்லை.

இதுவே கவுரவம் பாராமல் உத்தியோகம் செய்த இவனின் தந்தையால் எல்லாமே நிறைவேறியது, தான் வேலையிலிருந்து ஓய்வுப்பெற்றாலும் தனக்கென்ற ஒரு வருமானம். இன்று தான் இறந்தாலும் அந்த ஓய்வூதிய வருமானத்தில் ஒரு பகுதி தன் மனைவிக்கு வருகிறது, அவர் மனைவிக்கூட யாரிடமும் எந்த வித பண உதவிக்கூட எதிர்ப்பாராமல் வாழ வழிவகை செய்கிறது அந்த உத்தியோகம்.

இன்று திரும்பிப்பார்கிறான் தன் பள்ளிக்கால வாழ்வை, இவர்களுக்கு மகனாகப்பிறந்ததுக்கு இறைவனுக்கு நன்றிக்கூறுபவனாக..

வெப்பத்தின் தாக்கம்..!

2010-01-24T14:00:00.010+04:00

வெப்பத்தின் தகிப்பை
விழுங்கிவிட்டு
ஈரமாய்
உன்னை
அணைக்கயில்
என் வேர்கள்
உனக்குள்ளும்
உன் சுவாசம்
என் நிழலுக்குள்ளும்!
செந்தணப்பின்
சத்தத்திலும்!
நேரம்காட்டி
முட்களின்
சத்தத்தினூடே
இளைப்பாறிக்கொண்டன‌...!!!

-------------------

அருகில் இருக்கயில்
ஏதேதோ பேசும்
என் உதடுகள்!

தொலைவில் இருக்கயில்
உன்னைப்பற்றி
மட்டுமே
பேசுகின்றன‌
என் இதயம்!

---------------------

பாராளுமன்றமும்.. பிரச்சினைகளும்..!

2010-01-19T13:44:00.028+04:00

சட்ட சபையிலோ, நாடாளுமன்றத்திலோ நாட்டுமக்களின் நலன் கருதி கூடி நல்ல முடிவெடுக்கும் கூட்டத்தொடரில் எத்தனையோ காமெடிகளும், சொற்போரும், தீர்மானங்களும், வெளிநடப்புகளும் நடந்திருக்கிறது, இருந்த போதும் இதனூடே சிறப்பாக நடந்தேறிய வரலாற்று சிறப்புமிக்க சண்டகளை நாம் என்றுமே மறந்திடமுடியாது. அவ்வகையான நிகழ்வுகள் இன்றும் நம் தலைவர்கள் ஊறுகாயாகவும், சைடிஸாகவும் அவ்வப்போது (கூட்டணிகள் மாறும்போது இது அதிகம் இருக்கும்) அந்த வரலாற்று சிறப்புமிக்க நிகழ்வுகளை ஞாபகப்படுத்தாமல் இருந்ததில்லை.

குறிப்பாக தமிழ்நாட்டு சட்டசபையில் மைக்கை பிடிங்கியும், நாற்காலியை தூக்கியும் ஒருத்தரை ஒருத்தர் தாக்குவதும் இதற்கு ஒரு படி மேல் போய் சேலையை உருவியது, வேஷ்டிடைய அவிழ்த்துவிட்டதையும் அவ்வளவு சீக்கிரம் யாரும் மறுக்கமுடியாத ஒன்று. இது இந்தியாவில் மட்டும்தான் சாத்தியமா என்ற கேள்விக்கு இங்கே தெளிவான விளக்கம்
உலகம் முழுதும் எல்லா நாடுகளிலும் பரவலாக நடந்தேறியவன்னம் உள்ளது, இதில் அதிகமாக வெளியுலகத்திற்கு தெரியப்படுத்துவதில்லை. அதையும் மீறி ஒரு சில மீடியாக்களின் உதவியுடன் உங்கள் பார்வைக்கு இங்கே....

இது உக்ரைன்.. கழுத்தை நெறிக்கிறாங்க‌

உக்ரைன் நாட்டின் காட்சி

தென் கொரியா

வட கொரியா ‍ அவங்களுக்கு நாங்களும் சளைத்தவர்கள் இல்லை என்று நிரூபிக்கும் விதமாக

இது சோமாலியா... சாப்பிடவே வழியில்லே இப்புடி எல்லா நாற்காலியை ஒடச்சிட்டா அப்புறம் தரை டிக்கெட்தான்

இது தைவான்...

இதுவும் தைவான்..... சூ பறக்குறது படு ஃபேமஸ்

இதுவும் தென் கொரியாதான்... தண்ணீர் வண்டியே உள்ளேயே அனுமதிச்சாச்சு தொல்லை தாங்காமல்

இது ரஷ்யா...

இதுவும் ரஷ்யாதான்

இது மெக்ஸிக்கோ... பந்தாடுறாங்கய்யா

இது துருக்கி... வாய பொத்தி கொலபண்ணுறாங்க

இது நம்ம இந்தியா...
இத பாருயா இங்கே மட்டும்தான் ஈவ் டீசிங் நடக்குது, செருப்புதான் ரொம்ப மலிவா கிடைக்குதாம்...

வந்து பாத்துட்டியே, ஏதாவது சொல்லிட்டுப்போங்க இல்லே ஓட்டாவது போட்டுடுங்கோ...

பாசக்கார புள்ளைக(ஹ)...!

2009-12-21T14:10:00.004+04:00

நான் பதிவெழுத வந்து இன்னும் ஒரு வருடம் கூட முழுதாகலே, அலுவலக ஆணிகளின் அட்டகாசத்தால் பதிவுலகத்தை விட்டே சென்றுவிடலாமென்று சில சமயம் தோண்றும், என்னை பதிவெழுத சொல்லி சிங்கைக்கு வரவழைத்து வற்புறுத்திய‌ என் நண்பன் நட்புடன் ஜமாலை நினைத்தால் ஆத்திரமாக வரும், ஏன்டா இப்படி என்னை மாட்டிவிட்டேனு அடிக்கடி நொந்துக்குவேன். இதை ஒரு வகையான போதை என்றே எண்ணுவேன். இதனால் நிறைய அலுவலக வேலைகளில் கவனக்குறைவுக்கும் ஒரு காரணம். கடந்த 2 மாத காலமாக என் வலைத்தளம் கேட்பாரற்று கவனிக்க ஆளின்றி கிடக்கிறது, என் கடைக்கு வருபவர்கள் கடையில் பழைய ஸ்டாக் இருக்கு என்று வெறுத்துப்போய் திரும்புவர்கள் ஏராளம். இருந்தாலும் என் அன்பர்களின் வலைத்தளங்களுக்கு போவதையும், படித்து கமெண்டிடுவதையும் என்னால் கட்டுப்படுத்த முடியவில்லை, கிடைக்குற கேப்புலே லாரி ஓட்டிக்கிட்டு இருக்கிறேன். என் கடையில் பழைய ஸ்டாக் இருந்தும் நிரந்தர கஸ்டமர்களாக என் அன்பர்கள் 100 பேர் இருக்கிறார்கள் (100 லோவர்கள்), இந்த பாசக்கார மக்களுக்காக மீண்டும் ஏதாவது (இது வரை என்னத்த எழுதி கிழித்தேனு கேக்குறது வெளங்குது) எழுதலாமென்று இருக்கிறேன்.

பதிவெழுத வந்த காலத்தில் நான் மட்டும்தான் துபாயில் வலைத்தளம் வைத்திருக்கிறோம் என்று நானே பெருமைப்பட்ட காலம் உண்டு நானும் நிறைய பதிவுகளுக்கு சென்று லோவர் ஆகி தொடர்ந்து படிக்கும்வரை, இப்போ நினைத்தாலும் சிரிப்பு சிரிப்பா வருது.....:)))

அமீரகத்தில் இவ்வளவு பதிவர்கள் அதுவும் அண்ணாச்சி (இப்போதான் பதிவுலகத்துக்கு வந்து 5வது வருட விழா எடுத்தாங்க), குசும்பன் போன்ற பிரபல பதிவர்களை சந்தித்த பின் நான் வெறும் வெறும் பந்தாபார்ட்டினு தெரிஞ்சிக்கிட்டு அடக்கிவாசிக்க ஆரம்பிச்சிருக்கேன்.

அண்ணாச்சி நைஜீரியா சிங்கம் ராகவ் தன் குடும்ப சகாக்களுடன் துபாய் வந்திருந்தப்போது நான் ஒரு வாரம் ஊர் போய்விட்டு வந்த அன்று இரவு அவரை பார்க்கப்போய்ருந்த போதுதான் மற்ற அமீரகப்பதிவர்களின் ஒரு சிலர் அறிமுகம் ஏற்பட்டது, அதிலிருந்து பிரமாண்ட கூட்டத்திற்கு செல்லமுடியாமல், குறும்(பு) படம் வெளியாக காரணமாக இருந்த சுற்றுளாவுக்கு குடும்பத்துடன் இருந்ததாலும் போக முடியாமல் இருந்ததால்.. ராஸாண்ணாவோட அன்புத்தொல்லையால் கடந்த வெள்ளியன்று படம் ரிலீஸ் (ட்ரைலர் பார்த்து மிரண்டேன்) அன்னிக்கு கட்டாயம் போயாகவேண்டும் என்று சொல்லி குடும்பம் சகிதமாக வருவதாக வாக்கு கொடுத்திருந்தேன். திடீர் விருந்தாளிகளின் (அட நம்புங்கப்பா என் வாப்பா காலத்திலிருந்தே விருந்தாளிகளை நெஞ்சில் தாங்குவேன்) வரவால் நான் மட்டும் போவதாக பிளான் பண்ணி அவர்களுடன் மதிய உணவை (என்னிக்குமே வெள்ளி மதிய உணவை தங்கமணி கையாலே சாப்பிட்டு பழக்கம்) முடித்துவிட்டு டிரெஸ் மாற்றியதை கண்டு என் மகனின் அடத்தால் அவரையும் உடன் கூட்டிக்கினு கிளம்பினேன். அண்ணாச்சி சத்திரம் என்று சொல்லிருந்ததால் லொகேஷன் தெரியாமல் என்கிட்டே உள்ள சொச்ச பிளாக்கர்ஸ் ஃபோனில் அழைத்தாலும் எடுக்கவில்லை, அங்கே கண்ட கலீஜ் டைம்ஸ் பேப்பர் விற்பவரிடம் சத்திரம் எவடடுண்டு நு மலையாளத்தில் சம்சாரிச்சால் எனக்கு சத்திரம் அறியாது பத்திரம் மாத்திரம் அறியும் நு சொல்லியதை கேட்டு என் மகன் கூட சிரித்துவிட்டார்.

ஒரு வழியா குசும்பனை ஃபோனில் பிடித்து அண்ணாச்சி வீட்டை அடைந்தால் அவரோட ஃபிளாட்டைதான் சத்திரம் என்று சொல்லிருக்கிறார், நான் கூட இந்த விழாவுக்காக ஒரு சத்திரத்தை வாடகைக்கு பிடித்துவிட்டார்கள் என்று நினைத்தேன். தன் ஃபிளாட்டை பதிவுலகத்திற்காக சத்திரமாக்கிய அண்ணாச்சியை இங்கே நினைவு கூறுகிறேன்.

இப்போ எதற்கு இத்தனி கதை என்று கேட்பது தெரிகிறது. இந்த பதிவர்களின் சந்திப்பின் மூலம் நாம் ஏன் இந்த உலகத்தை விட்டு விலக வேண்டும், சமயம் கிடைக்கும்போது ஏதாவது கிறுக்கினால் என்ன என்று அங்கு அனைத்து பதிவர்களை சந்தித்தபின் ஒரு முடிவு எடுத்தேன்.

தாய்நாட்டை விட்டு வந்து மற்ற மொழிகளுடன் உறவாடி, அளவாவி நம் தாய்மொழியின் மடியில் தவழ்வதுபோல்..பிரபல எழுத்தர் இலங்கை தமிழ் வாழ் மக்களின் வாப்பா என்று அழைக்கப்படும் திரு. ஜின்னா ஷர்புதீன் அவர்களை கண்டதில் சந்தோஷம், அவர் சொன்னது போல் மதங்களையும் தாண்டி மொழி நம் அனைவரையும் இங்கே ஒன்று சேர்த்திருக்கிறது. சில மொக்கைகளையும், அரட்டைகளையும் தாண்டி அங்கே இலக்கியமும், வெண்பாவும் பேசியதை கேட்டதில் ஆச்சரியம், வியப்பு.. விடைபெரும்போது மனதில் புது வித புத்துணர்ச்சி பரவவைத்த என் நண்பன் ஜமாலுக்கு நன்றியுடன் நினைவுகூர்ந்தேன்.

நிர்வாண இரவுகள்..!

2009-11-05T17:41:00.003+04:00

நீ இல்லாத...
ஒவ்வொரு பொழுதும்
விடிந்தும்
நிர்வாணமாய்....

உன் ஸ்பரிசம் உணராமல்
இருள் சூழ்ந்திருக்கிறது
மனதில்.....

ஈரக்கூந்தலின்
ஈரம் சொட்டாமல்
குளமாகிறது
கண்கள்...

உன் நறுமணத்தின்
வாடை இல்லாமல்
உறக்கம்
கையெட்டும் தூரத்தைவிட‌
தொலைவில்.....

உனை இறுக்கி அணைத்து
உனை திண‌ர‌வைத்து
உன்னிட‌ம் ச‌ண்டைப்போடாத

விடியல்....

என்றென்றும் இருள்தான்.... ??

டிஸ்கி: இது என்னுடைய பதிவிலிருந்து கடந்த சில மாதங்களுக்கு முன்னால் திடீரென காணாமல் போய்விட்டதால், இப்பொழுது மீண்டும் உங்களுக்காக‌

பெண்களின் சதவிகிதம் குறைவு?

2009-10-03T09:45:00.012+04:00

சென்ற மாதம் ராஜஸ்தானில் ஒரு பெண்ணை ஒரே குடும்பத்தை சேர்ந்த 4 சகோதரர்கள் திருமணம் செய்துக்கொண்டார்கள் என்ற அதிர்ச்சிகரமான நம்பத்தகுந்த செய்தி. அதுக்கு அவர்கள் சொல்லும் காரணம் பெண்கள் குறைவாக இருப்பதாகவும், பெண் கிடைப்பதில் (அது எவ்வளவு பெரிய பணக்காரனாக இருந்தாலும்) மிகுந்த சிரமமாக இருப்பதாகவும் சொன்னார்கள். இந்த நிலை தமிழகத்திலும் உருவாக வாய்ப்பிறுக்கிறது என்பதுதான் வேதனை

இது பற்றி எஸ்.ஐ.ஆர்.டி (SIRD – State Institute of Rural Development) என்ற ஒரு தன்னார்வ தொண்டு அமைப்பு தீவிர விசாரனையில் இறங்கியது, அது வெளியிடும் ஒவ்வொரு தகவலும் அதிர்ச்சி தரக்கூடியதாக இருக்கிறது அதன்படி, தமிழகத்தில் நடப்பு ஆண்டில் 1000 ஆண்களுக்கு நிகராக 952 பெண்களே இருக்கிறார்கள், 1969 ல் பெண்களின் எண்ணிக்கை அதிகமாக இருந்ததாகவும் (அதற்காகதான் முன்னோர்கள் 1 க்கும் மேற்பட்ட கல்யாணம் செய்துக்கொண்டார்களோ?) இந்த் கணக்கீடு வரும் ஆண்டுக‌ளில் பெண்க‌ளின் எண்ணிக்கை மேலும் குறைந்து 469 ஆகும் என்ற‌ அதிர்ச்சிக‌ர‌மான‌ த‌க‌வ‌லை வெளியிட்டுள்ள‌து.

இத‌ற்கு அவ‌ர்க‌ள் கூறும் கார‌ண‌ங்க‌ள் கருவில் இருக்கும் குழந்தை ஆணா/பெண்ணா என்று தெரிந்துக்கொண்டு அந்த உயிரை கருப்பையிலேயே வைத்து அழித்துவிடுவது, இன்று குழந்தையின் வளர்ச்சியை பற்றி தெரிந்து அதற்கு தகுந்தார்போல மருந்துவகைகள் கொடுத்து ஆரோக்யமான பிரசவத்திற்கு வழிவகை செய்யும் தற்போதைய ஸ்கேன் செய்யும் முறை இன்று ஸ்கேன் செய்தவுடன் கருவில் இருக்கும் குழந்தை ஆணா/பெண்ணா என்று சொல்லப்படுகிறது, அதை வைத்து பெண் என்றால் மேற் சொன்ன முறையின் மூலம் கரு அழிக்கப்படுகிறது. ஸ்கேன் வசதி இல்லாத காலத்தில் குழந்தை பிறந்தவுடன் அது பெண்ணாக இருந்தால் கள்ளிப்பால் கொடுத்து கொன்றுவிடுவார்கள்

எஸ்.ஐ.ஆர்.டி என்ற தன்னார்வத்தொண்டின் தொண்டர்கள் நிறைய அடித்தட்டு கிராமங்களுக்கு சென்று களப்பணி செய்து நிறைய மக்களுக்கு பெண்குழந்தைகளின் மகத்துவத்தை பற்றி எடுத்துச்சொல்லிக்கொண்டிருக்கிறார்கள், இதன் மூலம் ஓரளவேனும் இந்த பெண் சிசு கொலை குறைய வாய்ப்பிருக்கிறது என்று ஆய்வரிக்கை சொல்லுகிறது.

100% கருத்தரித்தலின் போது 45% ஒன்றுக்கும் மேற்பட்ட குழந்தைகள் இருப்பதால் (அ) ஒரு குழந்தை பிறந்து 2 மாதத்தில் மறு கருத்தரிப்பு (அ) பொருளாதார, வேலை சூழ்நிலையால் குழந்தை பிறப்பு தள்ளிவைப்பு இந்த காரணங்களால் கருக்கலைப்பு செய்யப்படுகிறது, 12% பெண் குழந்தை என்று தெரிந்து க‌ரு கொலை செய்ய‌ப்ப‌டுகிற‌து, மீதி 43% விரும்பி குழ‌ந்தை பெற்றுக்கொள்ள‌ப்ப‌டுகிற‌து. தற்போது அரசின் கடுமையான தண்டனை சட்டத்திற்கு பிறகு இரண்டு வெவ்வேறு உறுதிமொழி பத்திரங்களில் என்ன குழந்தை என்று சொல்லமாட்டோம் என்று மருத்துவரும், என்ன குழந்தையானாலும் ஆரோக்யமா இருந்தால் சரி அது என்ன குழந்தை என்று மருத்துவரை நச்சரித்து கேட்க மாட்டோம் என்று பெற்றோரும் கையெழுத்திட்ட பிறகே கர்பினிப்பெண் ஸ்கேன் செய்ய அனுமதிக்கப்படுகிறாள்.

ஒரு வாரத்தில் தமிழ்நாட்டில் பிறக்கும் குழந்தைகளில் 15% பெண் சிசுக்கள் அழிக்கப்படுவதால் அந்த 15% எப்பவும் வெற்றிடமாகவே இருக்கிறது, இந்த கணக்கீடு பிற்காலத்தில் பற்றாக்குறை 1000 க்கு 952 என்று நிற்கிறது. பெண் சிசு கொலைக்கு சொல்லப்படும் முதல் காரணம் வறுமை, வரதட்சணை. இந்த இரண்டு "வ" க்கும் ஆண் பிள்ளைக்கு சாதகமானதே அதனாலே ஆண் குழந்தை என்றாலே போற்றி பெருமிதம் கொள்கிறார்கள், இளைஞர்கள் வரதட்சணை வாங்கமாட்டோம் என்ற உறுதிமொழியில் உறுதிப்பட இருக்கவேண்டும்.

இந்த இடத்தில் நான் ஒன்றை மிகப்பெருமையா சொல்லிக்கொள்ள விரும்புகிறேன், என்னுடை நண்பர்கள் சேர்ந்து எடுத்த முடிவான வரதட்சணை வாங்க மாட்டோம் என்று உறுதி செய்து அதன் படி நடத்தியும் காட்டிருக்கிறோம்.

வளைகுடா நாடுகளில் பெண் குழந்தை என்றால் (அது எந்த நாட்டின் குழ‌ந்தைக‌ளாக‌ இருந்தாலும்) வாரி அணைத்து கொஞ்சி ம‌கிழ்வார்க‌ள், இந்த‌ நில‌மை ந‌ம்நாட்டிலும் வ‌ர‌வேண்டும், பெண் என்ற‌ பொக்கிஷம் பாதுகாத்து போற்றப்படவேண்டும்!

டிஸ்கி: இது என்னுடைய 50வது பதிவு, இதன் மூலம் சமூக அவலத்தை வெளிச்சம்போட்டுக்காட்டுவதில் பெருமையடைகிறேன்.

தேவதை தந்த வரம்..!

2009-09-25T11:33:00.000+04:00

கடந்த வாரம் முழுதும் நம் பதிவர்கள் அனைவரும் தேவதையிடம் வரம்கேட்டு பதிவிட்டனர், அதுலே என்னையும் தொடர் பதிவிற்கு அழைத்திருந்தினர். தொடர் பதிவுக்கு அழைத்தமைக்கு நன்றி, ஒரு வித்தியாசமா தேவதை எனக்கு வரம் தந்தது. நடு நிசி ஜாமத்தில் நல்ல உறக்கத்தில் இருந்தபோது ஒரு வித்தியாசமான வாசனை அறை முழுதும், யாரோ தட்டி எழுப்பியதுபோல் திடீரென எழுந்து உட்கார்கிறேன், தங்கத்தினால் முழுதும் அலங்கரிக்கபட்டு தக தக என மின்னி கண்ணை பறிக்க ஒரு அழகான தேவதை, கண்கள் விரிய நம் பதிவர்களின் பதிவுகளில் படமாக பார்த்த எனக்கு இப்போது நேரில் ஆச்சரியம் இருக்காதா என்னா?
அந்த தேவதை எனக்கு மிகப்பெரிய வரம் கொடுத்தது அதாவது இந்த நிமிடம் முதல் நீதான் உலகத்திலேயே பணக்காரன்!!!! அன்று முதல் என் வாழ்க்கை மாறியது...

வாசனை திரவியம்(அத்தர் மற்றும் சென்ட்) நிறைந்த என்னுடைய நீச்சல் குளம்

அந்த நிலவை வாங்கிடுவேன், அது எனக்கு மட்டும்தான் சொந்தமென்று கொண்டாடுவேன்

நான் பயணம் செய்யும் வாகனம் இது, இதுலேதான் என்னுடைய அவசர‌ பிஸினெஸ் மீட்டிங்

என்னுடைய செக்யூரிட்டி, தேவையானபோது தப்பித்து செல்ல (தீவிரவாத மிரட்டல் இருக்கு இல்லியா)

என்னுடைய வீட்டின் சன்னல்மூலம் இந்த உலகை கண்டு ரசிப்பேன். என்னுடைய வீட்டின் ரிசெப்ஷன் விண்வெளியில் பறந்துக்கொண்டிருக்கும்போது...

நேரம் கிடைக்கும்போது ஓய்வு எடுப்பதற்காக‌

போரடிக்கும்போது கோல்ஃப் விளையாடுவதது இங்கேதான்

வைரத்தினாலான என்னுடைய பர்ஷனல் லேப்டாப், உலகின் அதிவேக சூப்பர் கம்ப்யூட்டர் இது

எல்லா பார்ட்டிகளிலும் பயன்படுத்துவது..

என்னுடைய தங்கத்தினாலான பெர்ஷனல் கார்

டிஸ்கி: ஆஃபீஸுக்கு டைம் ஆச்சு என்னா தூக்கம் வேண்டிகிடக்கு என்ற தங்கமனியின் சத்தத்தால்... அட கனவு, சரி கனவுலேயாவது இந்த வாழ்க்கை வாழ்ந்துவிட்டேன் என்று மனதை தேற்றிக்கிட்டேன்.. நீங்களும் வாழனுமா கனவு காணுங்கள் (முன்னாள் பிரெஸிடென்ட் அப்துல் கலாம் சொன்ன கனவு இல்லை)

என் இளவரசன்..!

2009-09-16T00:41:00.011+04:00

பெற்றோர் என்ற அந்தஸ்தை கொடுத்து
உன்னை சும‌க்கும் வ‌ர‌த்தைக்கொடுத்து
பெருமிதம் கொள்ளச்செய்தாய்!

ஐந்தாண்டுகளுக்கு முன்பு
ஐம்தாயிரம் கோடி
தவிப்புகளும் பேரின்பமும் கொள்ளச்செய்து
மகிழ்ச்சி வெள்ள‌த்தில் ஆழ்த்தினாய்!

நீ பேசும் ம‌ழ‌லையில் ம‌ய‌ங்கி
உன் ம‌டியினில் வீழ்த்திட்டாய்!

யோசித்து விய‌க்க‌ வைக்கும் கேள்விக‌ள் கேட்டு
உன் அறிவை மெச்சி போற்றிடுமளவிற்கு
யாவ‌ரையும் திணற‌வைப்பாய்!

எல்லா செல்வ‌மும் ஒருங்கே பெற்று
உன்த‌ன் ஈருல‌க‌ வாழ்வில்
குன்றின் மேலிட்ட‌ விள‌க்காய்
பிர‌காசிக்க‌
நீ பிற‌ந்த‌ இந்நாளில்
இறைவ‌னிட‌ம் இரு க‌ர‌மேந்தி
இறைஞ்சுகிறேன்
வாழிய‌ ப‌ல்லாண்டு..!!!

டிஸ்கி: என் அன்பு மகனுக்கு (அஃப்ஸர்) இன்று 16 செப்டம்பர், 5 வது பிறந்தநாள்..!அனைவரும் வந்து வாழ்த்தி வளமான வாழ்வுக்கு பிரார்த்திக்க வேண்டுகிறேன்..!

இந்தியா‍வின் முதல் சுதந்திர தின கொண்டாட்டம் - 1947 ஆகஸ்ட் 15

2009-08-15T11:25:00.002+04:00

அமைதியான, மதக்கலவரங்கலில்லா, ஒருவருக்கொருவர் பரஸ்பரம் சகோதரத்துடன் (அவர்கள் யாராக இருப்பினும் சரியே; இந்தியனாக இருந்தால் மட்டும் போதும்) இறுதியில் நாம் உலகைவிட்டு செல்லும் பொழுது எதை எடுத்துச் செல்லப்போகிறோம் என்ற உயர்ந்த மனப்பான்மையுடன் வாழக்கூடிய, தீண்டாமை என்னும் கொடுந்தீயை அழித்து; மாசு படிந்துள்ள இந்த மனித உள்ளங்களில் உள்ள தூசுக்களை சுத்தம் செய்து, பார்வைக்குறைவான நம் அகக்கண்களுக்கு, இறைவன் நமக்களித்த அருட்கொடையாம் பகுத்தறிவு என்னும் கண்ணாடி அணிந்து தெளிவான உலகை காண புறப்படுவோம் ஓரணியில் ஆங்கிலேய ஏகாதிபத்யத்திடமிருந்து தன் குருதிகளை விலையாகக் கொடுத்து நம் முன்னோர்கள் பெற்றுத்தந்த இவ்விலை மதிப்பில்லா சுதந்திரம் என்னும் பொக்கிஷத்தை வானில் வட்டமிடும் கழுகுகளிடமிருந்து தன் பிஞ்சு குஞ்சுகளை தன் மிருதுவான இறக்கைகளுக்குள் பாது காக்கும் கோழிகளைப்போல் நாம் நம் இந்திய நாட்டின் சுதந்திரத்தை பாதுகாப்போம்; சபதமேற்போம் இந்த பொன்னான தருனத்தில் உலகில் நாம் எந்த மூளையில் இருந்தாலும் சரியே. வாழ்க இந்தியா; வளர்க அதன் மைந்தர்கள்.

இந்திய சுதந்திரன தின கொண்டாட்டங்கள் கலைகட்டிருக்கும் இந்தியாவின் முதல் சுதந்திர தின கொண்டாட்டத்தை இங்கே காணலாம்.

சுதந்திரம் கொடுத்த ஆங்கிலேயர்களுடன் முதல் பிரதமர் ஜவஹர்லால் நேரு

அணிவகுப்பை பார்வையிடுவதற்காக சாலையின் இருபுறங்களிலும் குவிந்த மக்கள்

எந்தவித தீவிரவாத மிரட்டலும் இன்றி பாதுகாப்பு வளையமில்லாத ஒரு அணிவகுப்பு படையினர்

மெய்சிலிர்க்க வைக்கிறதல்லவா, மற்றவர்களும் கண்டுகளிக்க ஓட்டுப்போடுங்கள்

சாப்பிடலாம் வாங்கோ!!

2009-08-08T23:13:00.001+04:00

சமீபத்தில் ஷஃபிக்ஸ் அவரோட அலுவலகத்தில் ஒரு ISO செமினார் இருந்ததாகவும் அதைப்பற்றி தெளிவாக எல்லாம் நேரெந்தேன் பதிவிட்டிருந்தார் . அதை தொடர்ந்து... இங்கேயும்………

கடந்த மாதம் என் கம்பெனிலேயும் திடீர்னு ஒரு பார்ட்டி ஏற்பாடு செய்திருந்தாங்க, 2008 லே APC UPS பெஸ்ட் சேல்ஸ் அப்படினு ஒரு சிறிய(?) Function வெச்சாங்க. அதையும் உங்ககிட்டே பகிர்ந்துக்கலாமேனுதான் இந்த பதிவு, இதனால் யாருக்காவது புகைந்து அதன் மூலம் இதை சாப்பிட்டவர்களுக்கு வயிற்றுப்போக்கு வந்தால் அதுக்கு நான் பொறுப்பல்ல. இதை சாக்காகா வைத்து ஆஃபீஸுக்கு லீவு போடுவதற்கு ஒரு சான்ஸாக இருக்கட்டுமே..

எல்லாம் ரெடியா பந்தியை விரிச்சிட்டாங்கையா

பரப்பி வெச்சிருக்கிற சாப்பாடு ஐட்டங்களை பாருங்கோ. இதுதான் சிக்கன் டிக்கா, ஹமூஸ் (கொண்டக்கடலைலே செய்தது), சலேட், பிரியாணி

இதுதாங்க டாப்.. ஒரு முழு ஆட்டை அப்படியே இறக்கிட்டானுங்க

அட ஒன்னு ஒன்னா எடுங்கப்பா.. எல்லாம் உங்களுக்குதான்... இதெல்லாம் ஜூஸ்

எல்லோரும் எல்லாத்தையும் நோண்டி நொங்கெடுத்துட்டானுங்க இன்னும் என்னத்தையா தேடுறே?!

டிஸ்கி: இப்படிதான் தினமும் திண்பானுங்கனு தவறா நினைத்திடவேண்டாம். ஹெ ஹெ எப்போவாவது எப்போதும் பார்ட்டி வெச்சா இப்படிதான்...

நல்லா சாப்பிட்டாச்சா ச்சே பார்த்தாச்சா, ஓட்டை போட்டுட்டுப்போங்க இன்னும் நாலு மக்கா பார்த்து..... இதுக்குமேலே சொல்லுவதற்கு ஒன்னுமில்லை...

நட்புகளின் காதலன்....!

2009-07-30T20:01:00.001+04:00

"வாழ்க்கை வேகத்தில் நண்பர்கள்
எங்கெங்கோ சிதறி போகிறோம்.
என்றேனும் ஒரு நாள்
நாம் அனைவரும் ஒன்றாய் எடுத்து கொண்ட
புகைப்படத்தை பார்க்க நேர்கையில்
விழியின் ஓரமாய் கசியும் கண்ணீருக்கு
என்ன பதில் சொல்ல போகிறோம்?"

--நன்றி நிலா ரசிகன்..

இந்த வரிகள் என்னை அதிகம் பாதித்தது உண்மை, உறவுகளை விட நட்புக்கு அதிகம் முக்கியத்துவம் கொடுப்பவன் நான்.

நட்பால் உலகம் அறிகிறான்
நட்பால் வாழ்கையை படிக்கிறான்
நட்பால் தற்பெருமையை அழிக்கிறான்
நட்பால் உதவும் மனப்பான்மை பெருகிறான்
நட்பால் எல்லாமே கிடைக்கிறது.....

அந்த நட்புகளை பிரிந்து இன்று என்னைபோல் எத்தனையோ நண்பர்கள் த‌விப்பார்க‌ள்.. இதற்கு மனது அதே புதிய நட்பை நாடும் இவ‌ற்றையெல்லாம் ஓர‌ள‌வேணும் குறைப்ப‌தில் இந்த‌ப‌திவுக‌ளும், ப‌திவ‌ர்க‌ளும் முக்கிய‌ ப‌ங்கு ஆற்றுகின்ற‌ன‌. இந்த‌ ந‌ட்பும் இணைய‌ம் இருக்கும் வ‌ரைக்கும்தான்.. க‌ணினி ஆஃப் ஆனாலோ, இணைய‌ இணைப்பு துண்டிக்க‌ப‌ட்டாலோ ந‌ம் ந‌ட்பும் அத்தோடு லாகாஃப் ஆகிவிடும்.

இருந்தாலும் ம‌ன‌து அதிக‌மாக‌ இணைய‌ப்ப‌க்க‌ம் நாடுகிற‌து ந‌ண்ப‌ர்களின் ப‌திவையும், ஆன்லைன் சேட்டிலே பேசுவ‌த‌ற்காக‌வும்.

என்னை க‌ட்டினிய‌லா இல்லை இந்த‌ க‌ம்ப்யூட்ட‌ரை க‌ட்டிக்கிட்டிய‌லா * இது ம‌னைவி

என்னை பெத்தியலா இல்லை இந்த‌ க‌ம்ப்யூட்ட‌ரை பெத்தியலா * இது என் பைய‌ன்

என்னாடா பேசாம‌ல் உம் உம் உம் என்று சொல்லிக்கிட்டிருக்கே * இது தெரிந்தவர்கள், தொலைப்பேசியில் பேசும்போது க‌வ‌னம் முழுது ப‌திவில் இருப்ப‌தால்

அசைன்மெண்ட் 10 நிமிஷ‌த்துலே கொடுக்க‌னும், அதை விட்டுவிட்டு ஏதோ செய்துக்கிட்டிருக்கே (அலுவ‌ல‌க‌த்தில் க‌ணினி திரையிலே ஆங்கில‌த்தை த‌விர‌ த‌மிழ் மொழியை பார்த்த‌வுட‌ன் நினைத்துவிடுவாங்க‌ சொந்த‌க்க‌தை பார்க்கிறானு)* இது மேனேஜ‌ர்

எல்லா வசைகளையும் வாங்கிக்கொண்டு எருமை மாட்டுமேலே மழை பெய்த கதையாக மீண்டும் மீண்டும் பதிவுகளை படித்தும் பின்னூட்டமிட்டும் (இதெல்லாம் வெட்டிவேலை என்று தெரிந்தும்) நட்பு வட்டத்திற்கு நம்மை அடைத்துக்கொள்வதே ஒரு சுகம்தான்.

அந்த வகையில் பிளாக்கர்ஸ் நண்பனாக எனக்கு விருதை தந்த நண்பர் ஸ்டார்ஜனுக்கு என் நன்றி....

இதையே நான் இந்த பிளாக் உலகில் நல்ல நண்பர்கள் நிறைய கிடைத்திருக்கிறார்கள், அவர்களின் நட்பை நிலைநாட்டிடும் பொருட்டு (இல்லாட்டியும் அவர்கள் நம் நண்பர்கள்தான்) இந்த அவார்டை கொடுத்து நட்பூக்கள் மலர்ந்து வாசனை வீசட்டும் உங்கள் பிளாக்கிலும்..

1. ஆதவா... நல்ல நண்பன், என் பதிவுகளை அதிகம் ரசித்து ஒரே பின்னூட்டத்தில் அத்தனை புகழ் பாடுவார்

2. அ.மு. செய்யது... ந‌ல்ல‌ ந‌ண்ப‌ர், ப‌திவுக‌ளை பிரிச்சி மேஞ்சிடுவார்.

3. த‌மிழ‌ர‌சி... க‌விதைக‌ளின் காத‌லி இவ‌ர், நட்புக்கு அதிக முக்கியத்துவம் தருபவர்

4. ராக‌வ‌ன்... நைஜீரியாவாக‌ இருந்தாலும் பாச‌த்தால் என் ப‌க்க‌த்தில் எப்போதும் இருப்ப‌வ‌ர்

5. க‌லைய‌ர‌ச‌ன்... எப்ப‌வும் த‌ன்னை சுற்றியுள்ள‌வ‌ரை க‌ல‌ க‌லனு வைத்திருப்ப‌வ‌ர்

6. பாலா... இவ‌ர் க‌ப்ப‌லின் நாய‌க‌ன், க‌ட‌லின் அதிசிய‌ம் போல‌வே இவ‌ர் க‌விதைக‌ளும் புதிராக‌வே இருக்கும்.

7. ராஜேஸ்வ‌ரி... என‌க்கு சிற‌ந்த‌ பிளாக் என்று சொல்லி ப‌ட்டாம்பூச்சி விருது த‌ந்த‌வ‌ர், என் ப‌திவுக‌ளை ர‌சித்து திருத்த‌வும் செய்ப‌வ‌ர்

8. காய‌த்திரி... க‌விதைக‌ளிலே பேசுப‌வ‌ர், கும்மியில் த‌லைசிற‌ந்த‌வ‌ர்

9. வால்பயன்.. பெயரில் உள்ளது போலவே கலாய்ப்பதிலும் தலைசிறந்தவர்...

10. நிலாரசிகன்.. இவர் கவிதைகளில் கவரப்பட்டேன்...

அவசரமான இந்த உலகத்தில் நட்புகளை பரிமாறிக்கொள்ளும் இந்த புனித தினத்தில் இந்த விருதுகளை கொடுப்பதில் பெருமைகொள்கிறேன்

தூக்கம் விற்று வாங்கிய வரிகள்..!

2009-07-13T22:52:00.008+04:00

என் பனிவிழும் கவிதைகளால்
உன்னை நனைக்க ஆசை
தனித்திருக்கும் விளைவு
நனைதலால் ஏற்படும்
ஜலதோஷம் கூட காதல் பேசுது
----------------------------------

பேசாமல் இருப்பதால்
பேசுகிறாய் என்னிடம்
கொஞ்சுகிறாய் மிஞ்சியபடி
தவிக்கவைக்கிறாய் சீண்டியபடி
குழைய வைக்கிறாய் இதழ்களால
அட கனவு...
கனவே கலையாதே
உன் அலாரத்தின் அர்த்தமற்ற கதறலால்...

-----------------------------------

தவிக்கிறது நாவு
கண்ணருகேயுள்ள மச்சத்தில்
குமிழ் செய்ய‌

-----------------------------------

உனை அள்ளியனைத்து கொஞ்ச ஆசைதான்
பொது இடம்
தள்ளியே நிற்கிறேன் நாகரீகம் கருதி
ஆனாலும்
என்றென்றும்...
என் கண்களால்
உன்னை அனைத்தப்படி..!

-----------------------------------

தமிழர்களாகிய நம் நிலை..!

2009-07-08T22:41:00.001+04:00

நான் கடந்த ஒரு வருடமாக அனைத்து வலைப்பதிவுகளையும் படித்தும் கடந்த 5 மாதமாக நானே வலைத்தளம் ஆரம்பித்து ஏதோ தெரிந்ததை எழுதி வருகிறேன்.. இதுவரை படித்ததில் நம் பதிவர்கள் ஏதாவது ஒருவகையில் ஏதாவது அப்போதைக்கு பிரபலமாக உள்ள ஒரு சம்பவத்தை பற்றி தன் எழுத்தின் மூலம் உள்ளக்குமுறலை கொட்டுகின்றனர், அதே வேகத்தில் வெகுண்டெழுந்து அந்த பதிவு சம்பந்தமாக தானும் உள்ளக்குமுறலை பின்னூட்டம் மூலம் இடுகிறோம். அப்புறம் அதோடு மறந்து அவரவர் தத்தமது வேலைகளில் பிஸியாகிவிடுகிறோம், அதற்குப்பிறகு யாராவது அதைப்பற்றி நினைக்கிறோமா, அந்த பதிவை மூடுகின்றதோடு அதைப்பற்றிய கருத்தும் சேர்த்து மூடப்படும் நம் நினைவுகளிலிருந்து..

கடந்த சில நிகழ்வுகளைப்பார்த்தோமேயானால் அதனால் அதிகம் பாதிக்கப்பட்டது சாதாரண மக்கள் தமிழர்களாகிய நாம் தான்.

கடந்த 4 வருடத்திற்கு முன் காவேரி நதி நீர் கேட்டு எத்தனைப்போராட்டம், கர்நாடகத்தில் தமிழர்களின் சொத்துக்கள் சூறையாடப்பட்டன, வியாபாரங்கள் முடக்கப்பட்டன.. தமிழ்நாட்டில் திரைப்படம் சம்பந்தப்பட்ட தொழிளாலர்களின் போராட்டம், நடிகர் நடிகைகள் ஒரு பகுதி மேலே போய் நெய்வேலி அனல்மின் நிலைய முற்றுகை, சென்னையையும் நெய்வேலியையும் இரண்டாகப்பிளந்த மக்கள் கூட்டம் (நடிக/நடிகைகளை காண்பதற்காக மட்டும்) அதை நேரடியாக ஒளிப்பரப்பு செய்து விளம்பரமாக ஒரு நொடிக்கு இவ்வளவு பணம் என்று சம்பாதித்து கொழுத்த மீடியாக்கள், அதே கோரிக்கையை முன்வைத்து தனிமனித உண்ணாவிரத போராட்டம் அதிலேயும் கொழுத்த மீடியாக்கள், இப்படி எத்தனையோ.. அதன்பின் விளைவு >>???

அடுத்து.. ஒக்கேனக்கல் கூட்டுக்குடிநீர் திட்டம், இதை அறிவித்த உடனே கன்னட விவசாயிகளெல்லாம் ஒன்னு சேர்ந்து தண்ணீர் கொடுக்கக்கூடாது என்று வினோதப்போராட்டமெல்லம் செய்தாங்க, அதைப்பார்த்து கொந்தளித்த நம் விவசாயிகளும் அதோடு சேர்ந்து திரைப்பட துறையினரும் தம் பங்குக்கு ஒரு நாள் அடையாள உண்ணாவிரதம் இருந்தார்கள், இதைக்கண்ட கன்னட திரைத்துறையினரும் எதிர் உண்ணாவிரதம் இருந்தார்கள்.. இதன் மூலமும் தமிழர்களின் சொத்துக்களுக்கும், உயிர்களுக்கும் சேதம் விளைந்தது. குடிநீர் திட்டத்தை அமுல்படுத்து என்று இங்கேயும், அமுல்பத்தக்கூடாது என்று அங்கேயும்... இதையும் நேரடி ஒளிப்பரப்பு செய்து வழக்கம்போல் கொழுத்தது மீடியாக்கள். எல்லோர் முன்னிலையிலும் அமுல்படுத்தக்கூடாது என்று எதிர் உண்ணாவிரதம் இருந்த‌ க‌ன்ன‌ட‌ ந‌டிக‌ர் ந‌டிகைக‌ள் இன்று இருதார‌ருமே ம‌ற‌ந்து இரு மொழிப்ப‌ட‌ங்க‌ளிலும் ந‌ம் வாயில் லாலிபாப் வைத்துவிட்டு ந‌டித்துக்கொண்டிருக்கிறார்க‌ள்.. அத‌ன்பின் விளைவு..>>???

கடந்த சில மாதங்கள் முன்பிலிருந்து புலிகளை அழித்தே தீருவோம் என்று ராட்சப்க்ஷே அரசு கங்கணம் கட்டிக்கொண்டு களத்தில் குதித்தது, கண்டவர்களையெல்லாம் வெறிநாய்களை சுட்டு தள்ளுவது போல் கொன்று குவித்தார்கள், அரசியல் தலைவர்களாகிய‌ நம் மேன்மக்கள் இந்த விடயத்தை ஒவ்வொருவரும் கையிலெடுத்துக்கொண்டு நான் பெரியாளா இல்லை நீயா என்று தனது அரங்கேற்றத்தை தொடர்ந்தது. பேச்சுப்போர், வீண் பழி, கைது நாடகம், தனி ஈழம் அமைப்போம் என்ற வீண் புலம்பல், தனிமனித திடீர் உண்ணாவிரத நாடகம், தீக்குளிப்பு (மானிடர்க்கிடைத்த அற்புத வரமான உயிரை மாய்ப்பதற்கு நமக்கு எந்தவிதத்திலும் உரிமையில்லையடா, இப்போது அந்த குடும்பத்தை காப்பாத்துபவர் யார்), நடிக/நடிகைகளின் உண்ணாவிரதப்போராட்டம், தனிமனித உண்ணாவிரதம், மத்தியரசுக்கு தந்தி, எத்தனையோ நம் பதிவர்களின் பதிவுகள் இப்படி எத்தனையோ பார்த்தாகிவிட்டது. அத‌ன் பின் விளைவு>>???

அடுத்து.. இந்த தேர்தலால் நாட்டின் அரசு தலைகீழாக மாறும், இலங்கைத்தமிழர்களுக்கு ஆதரவு தராத அரசுக்கு நல்ல பாடம் புகட்டுவோம், ஆகாங்க்கே கருப்புக்கொடி ஆர்ப்பாட்டம், கட்சித்தாவல், கூட்டணி மாற்றம், தனி ஈழம் அமைப்போம், திடீர் உண்ணாவிரதம் இப்ப‌டியான‌ க‌ப‌ட‌ நாட‌க‌ம்.... என்ன‌ ந‌ட‌ந்த‌து.. த‌மிழ் ம‌க்க‌ளுக்கு ஈழ‌ம் ஒரு பொருட்டு இல்லை, இவ‌ர்க‌ளை அந்த‌ ஆண்ட‌வ‌னால்கூட‌ திருத்த‌முடியாது என்று சொல்லும் அள‌விற்கு அதே ஆட்சி மீண்டும், ஈழ‌ப்பிர‌ச்சினை ஒரு சிறு எள் அள‌விற்கு யாரையும் பாதிக்க‌வில்லை. இவ்வ‌ள‌வு ப‌திவு எழுதி த‌ன் குமுற‌லை கொட்டியும் அத‌ன் பின் விளைவு>>????

நம் பதிவர்கள் எல்லாமே தற்கால/நிகழ்கால நிகழ்வுகளை எழுதி தன் மனக்கவலையை தெரிவித்துக்கொள்கிறோம், அதன் பிறகு அந்த சுவடே இல்லாதது மாதிரி அடுத்த காதல் கவிதைப்படித்தும், காமெடி சம்பந்தப்பட்டதை படித்தும் அதற்கும பின்னூட்டமிடுகிறோம்.

இந்த வலைபக்கம் நமக்கெல்லாம் ஒரு வரம், இது ஒரு திறந்த புத்தகம், தெரிந்ததை பதிகிறோம், பாராட்டுப்பெறுகிறோம். அதே சமயம் இந்த சமுதாயத்திற்காக என்னா செய்தோம்.

நான் சொல்ல விரும்புவதெல்லாம் ஒரு முக்கியமான நிகழ்வை விவாதிப்பதோடு நிறுத்தாமல் சம்பந்தப்பட்ட பதிவை யாரிட கொண்டுசென்றால் சற்றேனும் திரும்பிப்பார்க்கப்படும் என்று முடிவுசெய்து அதற்கான‌ முய‌ற்சியில் (யாருக்கு வாய்ப்பு உள்ள‌தோ அவ‌ர்க‌ள்) கொண்டு சேர்த்து அத‌ற்கான‌ தீர்வு கிடைக்க‌ போராட‌வேண்டும் என்பதே என் ஆவ‌ல்.

இனிமேலாவது நம் வருங்கால தமிழ் சந்ததியினர் எவ்வித போராட்டத்தாலும் பாதிப்படையாமல் தனது கவனத்தை நாட்டின் முன்னேற்றத்தில் கவனம் செலுத்துவதற்கு ஒரு வடிகாலாக அமையும்

ஜாக்சன் ஒரு வாழும் வரலாறு..

2009-07-03T22:19:00.001+04:00

மைக்கேல் ஜாக்சன்..
இசைக்கு மயங்காதவர் யாரும் இல்லை, இசையை விரும்புவர்கள் நிச்சயம் ஜாக்சனையும் விரும்புவார்கள், அந்தளவிற்கு தன் குரல் வளத்தாலும், நடனத்தாலும் (கும்ஃபூக்கு ஒரு புருஸ்லீ என்றால் நடனததுக்கு ஒரு ஜாக்சன்) அனைவரையும் தன் வசம் கட்டிவைத்தவர். இன்று அவர் வரலாறாக‌, அவருடைய ஒவ்வொரு அசைவும் நிச்சயம் ஒரு நடனவித்தையை சொல்லும்...

அவருடைய ஆன்மா சாந்தியடைய பிரார்த்திப்போம்..

1965ம் ஆண்டு ஜாக்சன் தன் 5 வது வயதில் மக்கள் முன் முதன் முதலாக கிறிஸ்தமஸ் அன்று இசை அரங்கேற்றம் செய்தபோது

1969ம் வருடம் தன் ஆல்பமான Who’s Lovin You வெற்றிப்பெற்ற பின் அந்நாட்டு மாகாண தலைவரிடம் தன் குழுக்களுடன் ஆசிப்பெற்றபோது...

அந்த காலம் முதல் ரசிகர்களை தன் வசம் கட்டிவைத்திருந்திருக்கிறார்...

1984 ம் வருசம் மே மாதம் தன் புகழ் பெற்ற ஆல்பமான “Beat It” என்ற ஆல்பத்தினுடைய முக்கிய கருத்தான “குடித்துவிட்டு வாகனம் ஒட்டாதே” என்ற கருத்தை உலகம் முழுது பரப்புவதற்காக அப்போதைய அமெரிக்க பிரெஸிடென்ட் ரொனால்ட் ரீகனை சந்தித்தபோது..

1984 ஆகஸ்ட் மாதம் தன் உருவத்தையும், உடையலங்காரத்தையும் மாற்ற உதவிய நண்பியுடன்....

1994 ல் எடுக்கப்பட்டது, புகழ்பெற்ற எல்விஸுனுடை மகள் லிஸாமேரியை திருமணம் செய்துக்கொண்டு முதன் முதலாக புதாபஸ் ஏர்போர்ட் க்கு வந்தபோது...
இவர்களின் திருமண வாழ்க்கை இரண்டு வருடம் கழித்து சில பல காரணங்களுக்காக முறிந்தது...

2001 ம் ஆண்டு ஜாக்சனின் Moon Walk ஆரம்பமானது..

ஜூன் 25, 2009 தன் 50 வது வயதில் ஒரு இசை சகாப்தம் பத்திரிக்கைகளின் அட்டைபடமாக மட்டுமே...

மல்டி மில்லியனராக‌ வேண்டுமா..???

2009-06-29T20:01:00.014+04:00

அவசரமான இந்த உலகத்துலே எல்லோரும் பணத்தை தேடி அலைந்துக்கொண்டிருக்கோம், பணம்தான் வாழ்க்கைக்கு இன்றியமயாததாகிவிட்டது என்ப்பது யாவரும் அரிந்தது, அப்படி இருக்கயில் சாதாரணமாக 500க்கும் 1000க்கும் கஷ்டப்பட்டுக்கொண்டிருக்கும் நம் மக்களை மில்லியனுக்கும் பில்லியனுக்கும் அதிபதியாக மாற்றுகிறேன் வாருங்கள் என்றால் யார்தான் காதுகொடுத்து கேட்க மாட்டார்கள், நானும் அதையே அழைக்கிறேன் இந்த பதிவின் மூலம் உங்களையும் மல்டி பில்லியனர்களாக பார்க்க எனக்கும் ஆசைதான்.

இப்போதெல்லாம் பணத்தை பாக்கெட்டில் வைத்துக்கொள்வதற்கு பதில் டெபிட் கார்ட், கிரெடிட் கார்ட் வைத்துக்கொண்டு ரொம்ப சிம்பிளாக ஷாப்பிங்க் செய்யும் காலம் வந்துவிட்டது, அதற்கும் ஒருபடி மேல்போய் ஆன்லைன் ஷாப்பிங்க் அதிகம நம்மூரில் அதிக‌ம் புல‌க்க‌த்தில் வ‌ந்துவிட்ட‌து. அப்ப‌டி இருக்க‌யில் இங்கெ பாருங்க‌ளேன் ப‌ண‌த்தை க‌ட்டு க‌ட்டாக‌ தூக்கினுப்போய் ஷாப்பிங்க் ப‌ண்ணுறாங்க‌, எங்கேனு கேக்குறீங்க‌ளா ஜிம்பாப்வே நாட்டில்தான்.

இவரு பேங்குலே வேலைப்பாக்கலேங்க.. மாசம் முதல் வாரத்துலே உணவுக்கு தேவையான சாமான்கள் வாங்க சூப்பர்மார்க்கெட் போகிறாராம்

பார்ட்டி கொடுத்துட்டு பில் செட்டில் பண்ண போறாருங்க, இப்போ நெனச்சிருப்பாரு ஏன்டா பார்ட்டிக்கொடுத்தோம்னு

அவரு பார்ட்டிவெச்சு செலவு பண்ணதுக்கு கட்டவேண்டிய பில்(ரஷீது)

100$ பில்லியன் நோட்டு இது, அட இப்போ $100 ட்ரில்லியன் நோட்டு வெளியிடப்போறாங்களாம்

3 முட்டையோட விலை 100$ பில்லியன் தான்

ஷோ ரூம்லே ஒரு கால்சட்டை(PANT) க்கு விலை என்னா என்று TAG வைத்திருக்கிறார்கள்

பள்ளிக்குழந்தைக்கு கொடுக்கும் பாக்கெட் பணமாம்

பள்ளிக்கு போகும்போது புத்தக மூட்டையை சுமக்கிறோம், பள்ளிவிட்டு வந்தவுடன் கடைக்கு சாமான் வாங்க சொல்லி இப்படி பணமூட்டைய தாராங்க.. எங்களுக்கு ஒரு விடிவே இல்லியா..?

$1 ட்ரில்லியன் ஜிம்பாப்வே நோட்டு $33 USD க்கு சமமாம்

முக்கியமான விசயம் என்னான்னா 1980 ம் ஆண்டுகளில் $1 ZMD 1 இங்லாந்து பவுண்ட்டுக்கு சமமாம். இப்போ..???

எல்லாம் "அவங்க" தான் இந்த உலகத்தையே கட்டியாளனும்னு கங்கணங்கட்டிக்கினு இருக்குறதுனாலே வார வினைக

விதை விதைத்தவன் ஒரு நாள் வினையருப்பான்...

என் குட்டி தேவதை..!

2009-06-18T13:26:00.006+04:00

என்னுள்ளே கலந்தாய்
ஓருரிய் ஆனாய்
ஒரு உயிரை சும‌ந்தாய்
விரும்பி உணவுண்டாய்
இன்னுமொரு உயிர் உயிர்வாழ

ஈரைந்து மாத‌ங்க‌ள் சும‌ந்தாய்
சிர‌த்தைக‌ளையும்
சிறு ர‌ண‌ங்க‌ளையும் தாங்கினாய்

வ‌லியின் உண‌ர்வுக‌ள் புரிந்து
நானும் அனுப‌விக்க‌
ஓடோடி பறந்து வ‌ந்தேன்
என் அருகாமையால்
உன் உண‌ர்வுக‌ளையும் ப‌கிர்ந்துண்டேன்

ஜீன் 17 எங்க‌ள் வாழ்க்கையில்
ம‌ற்றுமொரு புது வசந்தம் வீசியது

ப‌ஞ்ச‌ பூத‌ங்க‌ள்
தன் வேலைகள் அனைத்தையும்
தள்ளிவைத்துவிட்டு
காத்திருந்து
மலர்தூவ‌
அழ‌கான குட்டி தேவ‌தை பிற‌ந்தாள்

இவ‌ள் வர‌வால்
அன்று இர‌வு நில‌வைக்கூட‌ காண‌முடிய‌வில்லை
ந‌ட்ச‌த்திர‌ங்கள் கூட‌
ஓடி ஒழிந்த‌ன
இனி ந‌ம‌க்கு வேலையில்லையென்று

சிரமங்களை குறைத்து
சீரான பிரசவத்தை கொடுத்த‌
அந்த இறைவனுக்கு எல்லா புகழும் நன்றிகளும் உரித்தாகட்டும்..!!

டிஸ்கி: ஜூன் 17ம் தேதி புதன் மதியம் 2.15(இந்திய நேரம்)மணிக்கு பெண் குழந்தை பிறந்தது. இதை பதிவு போட்டு வாழ்த்து தெரிவித்த நண்பர் அ.மு.செய்யதுக்கும் அந்த பதிவில் பின்னூட்டம் மூலம் வாழ்த்திய அனைவருக்கும், தொலைப்பேசி, மின்னஞ்சல் மூலம் வாழ்த்திய அனைத்து நெஞ்சங்களுக்கும் என் நன்றிகள் பல.

நட்பின் இலக்கணம் - எழுத்தோசை..!

2009-06-08T14:33:00.003+04:00

இன்று எனக்கு பிறந்தநாளாம்.. !

பொதுவாகவே ஒவ்வொரு பிறந்த நாளின் போதும் ஒரு வருஷம் கடந்துவிட்டதே என்றும் இந்த வருடத்தில் என்னத்த‌ சாதிச்சோம் என்று நொந்துக்கொண்டவனாகவே ஒவ்வொரு வருடமும் அந்நாள் (8‍ஜூன்) கழியும். சிறுவயது முதலே இதை கொண்டாட வேண்டும் என்று என் பெற்றோர்கள் போதிக்கவில்லை. சிறு வயது நண்பர்களும் அப்படியே கல்லூரி காலத்தில்கூட வெற்று நாடகமாட வேண்டியிருந்தது அதுவும் நண்பர்களின் ட்ரீட் க்காக. (ட்ரீட்க்கு ஏதாவது காரணம் வேண்டுமல்லவா). இப்போவெல்லாம் என்னுடைய பிறந்தநாளை என்வீட்டு தங்கமணிதான் ஞாபகப்படுத்துவார்கள் மற்றும் நண்பர்கள் SMS அ தொலைப்பேசி மூலம். நேற்றும் இவ்வாறுதான் ஞாபகப்படுத்தப்பட்டு அதே மேற்சொன்ன காரணத்தினால் வருத்ததோடு கழிந்த இரவின் இருட்டில் இன்று பிரகாசமாய் ஒரு வாழ்த்துக்கவிதை தமிழரசி அவர்களின் தளத்தில் அனைவரும் வாருங்கள் அபுவை வாழ்த்தலாம் பார்க்கவும். இப்படியெல்லாம் எழுதி என்னை வாழ்த்தியது மட்டுமின்றி அனைவரையும் வாழ்த்துவதற்காக அழைத்து பதிவிட்ட இவர்களை என்னா செய்வது, நன்றி என்ற வாழ்த்தை தவிர வேறு தெரியவில்லை...

சிலந்தியாய்
வலையுலகத்தில் வலைப்பின்னிய நீ
அதில் மாட்டிய பூச்சியாய்
இந்த நட்பு என்னும் பாசத்திலிருந்து
வெளிவரமுடியாமல் தவிக்கும் நண்பன்!

இன்று புதிதாய் பிறந்த‌
சந்தோஷத்தை கொடுத்த‌ ந‌ட்பின் இல‌க்க‌ணமே!
மற்றும்
என்னை வாழ்த்திய
அனைத்து நல் உள்ளங்களுக்கும்
நன்றிக‌ள் கோடி

வாழிய‌ உம‌து தொண்டு..!!

திருடப்பட்ட பதிவுகள்..!

2009-06-06T12:04:00.005+04:00

கடந்த சில நாட்களுக்கு முன் எனக்கு ஒரு அதிர்ச்சி வைத்தியம்..
கடந்த மே மாதம் நான் எழுதிய 4 இடுக்கைகள்(பதிவுகள்) காணாமல் போய்விட்டது, அதனோட லின்க் கிளிக் செய்தால் "Page Cannot be Found" என்று வருகிறது, உடனே என் வலைப்பக்கம் சென்று பார்த்தால் மே 25 க்கு பிறகு பதிவிட்ட என்னுடைய "போட்டிகள்" மட்டுமே இருக்கிறது மற்ற பதிவுகளை (குறிப்பாக "கில்லி") காணவில்லை, அதை நான் முன்னரே லக்கிலுக் அறிமுகப்படுத்திய சிறுகதை போட்டிக்கு அனுப்பியிருந்தேன். இதனால் என்னுடைய சந்தேகம் வலுக்கிறது அதாவது அதை யாரோ திருடிவிட்டு அது எடுக்கப்பட்ட சுவடு தெரியாமல் அழித்துவிட்டார்கள் என்று.

வலைத்தளம் முழுதும் திருடப்படுவது போய் இப்போதெல்லம் முக்கியமான பதிவுகள் மட்டும் திருடப்படுகிறது. இதை தடுக்க ஆளேயில்லியா..?

பதிவுகள் போனது மட்டுமின்றி பின்னூட்டங்களும் சேர்ந்து போனதுதான் வருத்தம் தரக்கூடிய விஷயம்.

அன்பார்ந்த நண்பர்களே/தோழிகளே உங்களுக்கு அதை எப்படி Retrieve பண்ணுவது என்றும் இனிமேல் மற்ற பதிவுகளை எப்படி பாதுகாத்துக்கொள்வது என்றும் தெரிந்தால் பின்னூட்டத்தில் தெரிவிக்கவும், மற்ற நண்பர்கள் அதை ஃபாலோ பண்ணி இந்த செயல்களிலேர்ந்து தன் பதிவுகளை தற்காத்துக்கொள்ள ஏதுவாக இருக்கும்.

மீள் பதிவு போடலாம்.. இருந்தாலும் இழந்ததை திரும்ப பெற்றால் மகிழ்ச்சியே..!

ஒரு எச்சரிக்கைக்காகவே இந்த பதிவு....

டைட்டானிக் - II

2009-06-02T10:51:00.001+04:00

டைட்டானிக் என்று ஒரு கப்பல் 1912 காலகட்டத்துலே கடலிலே மூழ்கியதாக வரலாற்று உண்மை, அதற்கான ஆதாரம் கண்டுபிடித்து அது எப்படி பயணிகளை ஏற்றிக்கொண்டு சென்றது, என்னென்ன கேளிக்கைகள், காமெடிகள், பணக்காரர்/ஏழை என்ற வித்தியாசம் அதனோடு காதல்...... அதை சொன்ன விதம், அதை முறியடிக்க கையாளப்பட்ட விதம் இறுதியில் அது எப்படி கடலில் மூழ்கியது என்ற காவியத்தை சினிமா படமாக வெளிவந்து அனைவரது உள்ளத்தையும் கொள்ளைக்கொண்டது, அந்த கப்பல் உருவான விதம் அதற்கான மொத்த செலவு எல்லாம் கணக்கிலடங்கா. இதைப்பற்றி வேத்தியன் டைட்டானிக் பயணத்தின் போது உயிர்தப்பித்த கொஞ்ச சிலரில் கடைசியாக ஒருவர் இன்று உயிர்யிழந்தார் என்ற செய்தியை பதிவாக போட்டுள்ளார் அதை படிக்க இங்கே பாவம் அவருக்கு இந்த புது டைட்டானிக் கப்பலில் பயணம் செய்ய பாக்கியம் இல்லை (ஒரு டைட்டானிக் கப்பலில் பயணம் செய்து உயிர் தப்பித்ததே போதும் என்று இருந்திருக்கலாம்)

இப்போது உலகின் மிகப்பெரிய டைட்டானிக்-II என்ற கப்பலை வடிவமைத்து பயணக்கப்பலாக இப்போது நடைமுறைக்கு வந்துள்ளதை இங்கே காணலாம்

எம்மாம்பெருசு..

பார்க்கவே நல்லாயிருக்குலே, மொட்டமாடிலேர்ந்து படம் புடிச்சதாம் அட இங்கேதான் முழு கன்ரோலும் இருக்கா.. இந்தப்பக்கம் எந்த காதல் ஜோடிகளும் சும்மனாச்சிகுமாவது வந்துடாதீங்கப்பா, அப்புறம் டைட்டானிக் பாகம் 75 வருசம் கழிச்சி சினிமா எடுத்துடப்போறாங்க‌

கிரவுண்ட்லே விளையாட மாட்டாங்க, இங்கே பந்தாவுக்கு விளையாடுவாங்க‌

7 ஸ்டார் ஹோட்டல் மாதிரி உள் கட்டமைப்பு நல்லாயிருக்குலே

ஏர்போர்ட் மாதிரி இங்கேயும் சப் கன்ட்ரோல் தளம் இருக்காம்

சாப்பாட்டை பார்த்தவுடன் ரொம்ப பசிக்குமே

மேடை கச்சேரி வேறா.. இது இல்லாமல் மக்களுக்கு இருக்கமுடியாதுலே..

அட கப்பலுக்குள்ளே பூங்கா வேறயா.. குழந்தைகளுக்கு குதூகலம்தான்

நீச்சல் குளம் மேல்தட்டும் கீழ் தட்டும்

இது இன்னாப்பா ஷாப்பிங்க் காம்ளெக்ஸா.. இம்மாம்பெரீசாக்கிது, இதுலேயும் ஒருத்தர் புத்தகப்புளுவா இருக்கார்

இயற்கையை ரசிக்க ஒரு இடம்

வாக்கிங் போறதுக்கும், கில்லி விளையாடுவதற்கு இதை பயன்படுத்தலாமாம்

இது இன்னாப்பா கடலின் நடுவே ஒரு கடற்கரை...

நல்லா ரசிச்சீங்களா

ஓட்டைப்போட்டுவிட்டு போங்கப்பா அதோடு பின்னூட்டமும் மறக்காம‌

போட்டிகள்..!!

2009-05-28T16:47:00.009+04:00

இரு விழிகளுக்கிடையே
போட்டி!
யார் உன் இதழோர புன்னகையை
முதலில் ரசிப்பது என்று..

இரு கைகளுக்கிடையே
போட்டி!
யார் உன் சந்தன மேனியை
முதலில் கட்டியணைத்து
தழுவுவது என்று..

என் இரு இத‌ழ்க‌ளுக்கிடையே
போட்டி!
யார் உன் போதை த‌தும்பும் செவ்வித‌ழை
முத‌லில் சுவைப்ப‌து என்று..

இரு விரல்க‌ளுக்கிடையே
போட்டி!
யார் வெட்க‌த்தால் உன் சிவ‌ந்த‌ க‌ன்ன‌த்தை
முத‌லில் வ‌ருடுவ‌து என்று..

இந்த‌ போட்டிக‌ளுக்கிடையேயுள்ள
மெல்லிய‌ கூக்குர‌லால்
இப்ப‌டி க‌லைந்துதான் போகிறது
என் க‌ன‌வுக‌ள்
தின‌மும் உன்னை முழுமையாக‌
ர‌சிக்க‌வும்!
அனுப‌விக்க‌வும்!!
முடியாம‌ல்!!!

நிர்வாண இரவுகள்..!

2009-05-11T17:53:00.000+04:00

நீ இல்லாத...
ஒவ்வொரு பொழுதும்
விடிந்தும்
நிர்வாணமாய்....

உன் ஸ்பரிசம் உணராமல்
இருள் சூழ்ந்திருக்கிறது
மனதில்.....

ஈரக்கூந்தலின்
ஈரம் சொட்டாமல்
குளமாகிறது
கண்கள்...

உன் நறுமணத்தின்
வாடை இல்லாமல்
உறக்கம்
கையெட்டும் தூரத்தைவிட‌
தொலைவில்.....

உனை இறுக்கி அணைத்து
உனை திண‌ர‌வைத்து
உன்னிட‌ம் ச‌ண்டைப்போடாத
விடியல்....
என்றென்றும்
இருள்தான்.... ??

டிஸ்கி: இது என்னுடைய பதிவிலிருந்து கடந்த சில மாதங்களுக்கு முன்னால் திடீரென காணாமல் போய்விட்டதால், இப்பொழுது மீண்டும் உங்களுக்காக‌

சிரிக்கலாம்... வாங்க!

2009-04-15T16:16:00.001+04:00

இப்போதெல்லாம் மக்கள்(பதிவர்கள்தான்) திடீர்னு காணாமப்போய்டுறாங்க, அப்புறம் கேட்டால் ஆணிகள், கடப்பாரைகள் ஜாஸ்தி அப்படினு புலம்பல் வேறு, சரி பிளாக் படிக்கலாம்னு வந்தால் ஒரே கவிதை, கட்டுரை, போராட்டம் அப்பாடா சொல்லி மாலாதுப்பா... அதுக்குதான் இங்கே கொஞ்சம் சிரிக்கலாம் வாங்கனு கூப்பிட்டிருக்கேன்..

சில/பல சிரிப்பை இங்கே பாக்கலாம்

முழுதாக படிச்சிட்டு, சிரிக்கலாம் வாங்கனு தலைப்பு போட்டுவிட்டு ஜோக்கு சொன்னேனியே அது எங்கேனு கேக்க்ககூடாது ஆமா சொல்லிப்புட்டேன்... ஆஆஅவ்வ்வ்வ்வ்வ்வ்வ்...

-------------------------------------------------

அட மெய்யாலுமே கணினிலேதாங்க வேலைப்பார்க்கிறார்

-------

ஒரு வகுப்பறையில்...

ஆசிரியர்: மரியா.. இந்த உலக மேப்புலே தென் அமெரிக்கா எங்கே என்று சரியாக காட்டு
மரியா: சரியாக காட்டி, இங்கே இருக்கு டீச்சர்
ஆரிசியர்: வெரி குட் மரியா...

ஆசிரியர் மாணவர்களை பார்த்து யாராவது பதில் சொல்லுங்க, அமெரிக்காவை கண்டுபிடிச்சது யாரு

மாணவன்: மரியா...! டீச்சார்..

ஆசிரிய‌ர்: ????..!!!

----------------------------------------------------------

கணித ஆசிரியர்: ஜான்.. ஏன் கால்குலேசனை தரையிலே(கீழே) வைத்து போடுறே

ஜான்: சார் நீங்கதானே சொன்னீங்க மேசை (TABLE) இல்லாமல் போடசொல்லி...

----------------------------------------------------------

வேதியல் ஆசிரியர்: ஜோசப், தண்ணீருக்கு கெமிக்கல் ஃபார்முலா என்ன?

ஜோசப்: அது வந்து H I J K L M N O

வே. ஆசிரியர்: என்னா சொல்லவாரே நீ

ஜோசப்: நீங்கதானே டீச்சர் சொன்னீங்க தண்ணீருக்கு H to O என்று.

----------------------------------------------------------

ஆசிரியர்: கீதா நீ எப்போதும் சாப்பிடுவதற்கு முன்னர் பிரார்த்தனை பண்ணுவது உண்டா
கீதா: தேவை இல்லை சார்... ஏன்னா எங்க அம்மா நல்லாவே சமைப்பாங்க‌

----------------------------------------------------------

முதலாளி வேலைகாரரைப்பார்த்து
டேய் வேலா.. தோட்டத்துக்கு போய் எல்லா செடிகளூக்கும் தண்ணீர் ஊற்று

வேலா: முதலாளி ஏற்கனவே மழை பெய்துக்கொண்டிருக்கிறது

முதலாளி: அதனாலென்னா குடை பிடித்துக்கொண்டுபோய் தண்ணீர் ஊற்று..???

----------------------------------------------------------

தேர்வு நிலை ஆசிரியர்: அட்டெண்டர் உடனே போய் பிளம்பரை வரசொல்
அட்டெண்டர்: எதுக்கு சார்
ஆசிரியர்: நிறைய கொஸ்ட்டீன் பேப்பர் லீக் (leakage) ஆகுதுனு கேள்விப்பட்டேன், தரோவாக செக் பண்ணனும்

----------------------------------------------------------

ஒரு இன்டெர்வியூவில், கார் ஓட்டுனருக்கு ஆள் சேர்ப்பு

பாஸ்: உன்னுடைய ஸ்டார்டிங் சேலரி 2500 ருபீஸ்

டிரைவர்: ஒஹ் ரொம்ப நன்றி சார், ஒவ்வொரு ஸ்டார்டிங்க்கும் 2500 ரூபாய், அப்போ கார் ஓட்டுவதற்கு எவ்வளவு சார்?

----------------------------------------------------------

பட்டாம்பூச்சி விருது..!!!

2009-04-11T22:44:00.001+04:00

எனக்கு என்னுடைய பதிவை பாராட்டி (கொஞ்சமாவது பயனுள்ளதுனு நினைக்கிறேன்) கடந்த ஒரு மாததிற்கு முன்னர் நட்புடன் ஜமால் எனக்கு பட்டாம்பூச்சி விருது கொடுத்தார், என்ன காரணத்தினாலோ அதை என்னுடைய பதிவில் போடமுடியாமல் போய்விட்டது, அதை இப்பொழுதுதான் தெரியப்படுத்தி அதை என்னுடைய பதிவில் பதிவேற்றம் செய்தேன்.

அதை பதிவேற்றம் செய்வது எப்படி என்பதை மச்சான் சுரேஷ் அழகாக சொல்லிருக்கார்.. அதுக்கு பதிவேற்றம் செய்வது எப்படி (இங்கே) கிளிக்கவும்..

இந்த பட்டாம்பூச்சி அவார்ட் என்னை போல் இளம் (புதிய) பதிவர்களுக்கு கொடுக்கவேண்டும் என்று சொல்லப்பட்டது, அந்த வகையில் கடந்த நாட்களில் நல்ல பதிவுகளை அரங்கேற்றம் செய்துக்கொண்டிருக்கும் மூவருக்கு இந்த பட்டாம்பூச்சி விருதுகளை அளிக்கிறேன். இவர்கள் சிறந்த படைப்பாளிகள் மாத்திரம் இல்லாமல் மிகச்சிறந்த பின்னூட்ட மன்னர்களாகவும் திகழ்கிறார்கள்.

விருதை பெறுபவர் Honey ஆக வலையுலகில் வலம் வருபவர், இவர் ஒரு சிறந்த படைப்பாளி, தற்போது தோழியுடன் ஏற்பட்ட கோபத்தில் பதிவுசெய்திருக்கிறார் இங்கே, பட்டாம்பூச்சி விருது கொடுப்பது நினைத்து மகிழ்ச்சி

அடுத்து கொஞ்சம் தெரிந்தது என்ற பெயரில் க்யூட்டான பதிவுகளையும் சிறந்த பின்னூட்டத்தில் சிறந்தும் விளங்குகிறார். இவர் காதலும் ஊடலும் என்ற தொடர் எழுதி அதுக்கு ஒரு முற்றுப்புள்ளியும் வைத்துள்ளார். இவருக்கு பட்டாம்பூச்சி விருது கொடுப்பது நினைத்து மகிழ்ச்சி

அடுத்து என்னுடைய சினேகிதர் AbuNadeem என்ற பெயரில் வலம் வருகிறார். சமீபத்தில் எழுதிய வேண்டாமே என்ற தலைப்பில் தாயையும் அவர்களின் முதியோர் இல்லத்தில் இருப்பதால் நெஞ்சிருக்கச்செய்யும் புலம்பலும் நெஞ்சை நெகிழச்செய்யும் பதிவாக இருந்தது. இவருக்கும் பட்டாம் பூச்சி விருது கொடுப்பது நினைத்து சந்தோஷம்,இவரும் பின்னூட்டமிடுவதில் சிறந்துவிளங்குகிறார்

தாங்கள் வலைப்பதிவில் இதை பதிவேற்றம் செய்து, நீங்களும் விரும்பினால் பிடித்தவர்களுக்கு இந்த விருதை கொடுத்து சிறப்பிக்கவும்.

விடை தேடி...!

2009-04-07T12:09:00.001+04:00

உன் பார்வை ஒவ்வொன்றும் காத‌ல் தீ..!
உன் வார்த்தை ஒவ்வொன்றும் கவிதை..!
உன் அசைவுக‌ள் ஒவ்வொன்றும் உயிரோவிய‌ம்..!
இன்று உன் சிரிப்புக்கு அடிமையாய் என்னையே கொடுத்தேன்....

க‌ன‌வுக்குள் இருந்து தின‌மும் உன்னை அழைக்கிறேன்..
வெள்ளை க‌ருப்பாய் என் உருவ‌ம் (முக‌ம்)
அத‌னால்தான் என்னை தெரிய‌வில்லையோ..(உணரவில்லையோ)?

ஓ சைப்ப‌டாம‌ல் குர‌லெழுப்ப‌ முடிய‌வில்லை
அத‌னால்தான் என் ம‌வுன‌ப்பார்வையும் உன‌க்கு புரிய‌வில்லையோ..?

இந்த மங்களான கனவுகள் தெளிந்து
உறக்கத்திலிருந்து
உண‌ர்வுக்குள்
உவ‌ந்து
நாம் விழிக்கும் பொழுது
எப்பொழுதோ???

விடை தெரியாம‌ல் தேட‌லிலே
உற‌ங்கிப்போகின்றேன் ஒவ்வொருநாளும்......!!!!

குறுஞ்செய்தி- ஒரு விளக்கம்!!

2009-04-02T18:00:00.001+04:00

இப்பொழுதெல்லாம் நம்மிடையே அதிக பயன்பாட்டில் உள்ளது அலைப்பேசி(செல்ஃபோன்) தான் என்பதை யாரும் மறுக்கமுடியாத விடயம். சாப்பிடுவதை, தூங்குவதை, அன்றாட வேலையை மறக்குறோமோ இல்லியோ செல்ஃபோனை எங்கேயும், எப்போதும் மறப்பது இல்லை. அது தொடர்புக்கும், பாட்டுக்கேட்கவும், மணி பார்க்கவும், இன்னும் கண்டதையெல்லாம் கிளிக்வதற்கும் பெரிய பயனாக இருக்கிறது. அதுலே பெரிய பாடு என்னானா தேவையான அழைப்பை எடுக்காமலும், சைலண்ட் மோடுலே போட்டுவிட்டு வேலைப்பார்ப்பதற்கு ஏதுவாக அமையும், அப்புறம் கேட்டால் பிஸியாக இருந்தேன் என்று சொல்லுவார்கள், அதே SMS (Short Message Service) என்ற குறுஞ்செய்தியில் அனுப்பிவிட்டால் கட்டாயம் அதை பார்த்துதான் ஆகனும். பிளாக் பெர்ரி - BlackBerry (நான் வலைத்தளத்தை சொல்லலே) என்னும் மின்னஞ்சல் பார்க்கும் முறை வந்தாலும், இந்த குறுஞ்செய்தி உலா மாதிரி இருந்ததில்லை.

சரி குறுஞ்செய்தியை மின்னஞ்சல் மாதிரி விலாவரியாக தட்டச்சு செய்து அனுப்புவதற்கு எந்த அலைப்பேசியும் இடம் தரா, அதுவும் அதை தட்டுவதற்கே போதும் போதும் என்றாகிவிடும்.. அப்படியிருக்கயில் சுருக்கமாகவும் அதே சமயம் படிப்பவர் விளங்ககூடியதாகவும் இருக்கனும், என்னா செய்வது... அதுக்குதானே நான் இருக்கேன், விலாவாரியா கொடுத்துடுவோம்லே.... நான் கீழே குறிப்பிட்டது குறுஞ்செய்திட்டாளர்களிடையே ஒரு ஏகோபித்த முடிவுசெய்து (அந்த ஆர்கனிஷேசன் எங்கே இருக்கு, அதுக்கு தலிவர், செயலாளர் யார் அப்படினெல்லாம் பின்னூட்டத்திலே கேக்ககூடாது ஆமா சொல்லிப்புட்டேன்) இந்த கமெண்ட் தட்டச்சு செய்தால் இதுதான் அதனுடைய அர்த்தம் என்று ஒரு முடிவுக்கு வந்தவர்களாக நிறைய குறுஞ்செய்திகள் உலா வருவதாக கேள்வி

இதைப்ப‌டித்து தெரித்துக்கொண்டு இனிமேலாவ‌து அர்த்த‌ம் புரிந்து குறுஞ்செய்தி ப‌ரிமாற்ற‌ம் ந‌ட‌க்க‌ட்டும் என்ப‌து என்னுடைய‌ ஆவா..

1dRfl - wonderful

2 - to/too/two

2dA - today

2moro - tomorrow

2nite - tonite

3dom - freedom

4 - for

4get - forget

4N - foreign

ADN - any day now

AFAIK - as far as I know

AFAIR - as far as I recall

ASAP - as soon as possible

ATM - at the moment

B - be

B4 - before

B4N - bye for now

BB - bye-bye

Bf -boyfriend

BG - big grin

BION - believe it or not

BK - big kiss

BTDT - been there, done that

BTW - by the way

By - busy

C - see/sea

CB - call back

CUL - see you later

CWYL - chat with you later

DUZ - does

DUZNT - doesn't

F2F - free to talk?

G2G - got to go

Gf - girlfried

Gr8 - great

Grr - angry

H2 - how to

HUH - have you heard?

IC - I see

ICCL - I couldn't care less

IK - I know

ILU (or ILY) - I love you

in4ml - informal

KISS - keep it simple, stupid

KUTGW - keep up the good work

@ "At"

MSG "Message"

W "With"

ATB "All the best"

NE "Any"

W/O "Without"

B "Be, Bee"

NETHNG "Anything"

WKND "Weekend"

BCNU "I'll be seeing you"

NE1 "Anyone"

XLNT "Excellent"

BWD "Backward"

NO1 "No-one"

XOXOX "Hugs and kisses"

B4 "Before"

OIC "Oh, I see"

YR "Your"

C "See, Sea"

PCM "Please call me"

1 "One, Won"

CU "See you"

PLS "Please"

2 "Too, To, Two"

DOIN "Doing"

PPL "People"

:) Original smiley

:-) Classic smiley

;-) Wink

:-)) Very happy

|-) Hee-hee

:-D Laugh loud

:-o Amazement

:^D" Great! I like it!

:-* Kiss

<3 I love you

:-s Confusion

{} No comment

:-C Totally unbelievable

:-X Big wet kiss

:-9 Licking lips

%-) Confused

*:* Fuzzy face

:-@ Screaming

:-7 Wry remark

:-p Sticking out tongue

:-( Frown

:> Develish grin

(:-|K- Dressed to kill

:-|| Angry

::=)) Seeing double

:-> Hey

|:-0 No explanation

#:-) Hair in a mess

>;-(' I am spitting mad

#-) Partied all night

:-| Hmmm

:-& Tongue-tied

L8 - late

L8r - later

LMK - let me know

M8 - mate

MOF - matter of fact

MT - empty

MTE - my thoughts exactly

NAGI - not a good idea

Ne - any

Ne1 - anyone

No1 - no one

nrg - energy

OIC - Oh I see

OK - okay

ONNA - oh no, not again!

OTT- over the top

PCM - please call me

Pls - please

Ppl - people

PTL - praise the Lord

R - are

Re - regarding

RUOK - are you okay?

Spk - speak

Sry - sorry

SWAK - sealed with a kiss

THX - thanks

TTYL - talk to you later

TXT - text

U - you

U@ - you at? (where are you?)

UOK - you okay?

UR - your/you're

Usu - usually

W8 - wait

W84M - wait for me

W/ - with

Wan2 - want to

wn - when

WMF - works for me

XLNT - excellent

Y - why

YM - you mean

YR - yeah, right

GONNA "Going to"

SUM1 "Someone"

3SUM "Threesome"

GR8 "Great"

STRA "Stray"

4 "For, Four"

H8 "Hate"

THNQ "Thank you"

:-) "I'm happy"

L8 "Late"

THX "Thanks"

:-o "I'm surprised"

L8R "Later"

U "You"

:-( "Sad face"

LUV "Love"

UR "You are "

d:) "Baseball cap "

MOB "Mobile"

WAN2 "Want to?"

;-/ "Confused"

2DAY "Today"

F2T "Free to talk"

RUOK "Are you okay?"

2MORO "Tomorrow"

FWD "Forward"

RGDS "Regards"

(:-... Heart-broken

%-) I'm tipsy but happy

#:-o Oh no!

:-# My lips are sealed

8-) Sender wears glasses

:+( I'm hurt by that

:*)? Are you drunk?

<:-0 Eeek!

:-e I'm disappointed

(-: Sender is left-handed

<:-) Dumb question

~o~ Bird

:@ Ouch!

:-(*) Sick comment

(:-) Bald

:// Frustrated

:3-< Dog

d:-) Hats off to your great idea

:-$ Put your money where your mouth is

:-{) Sender has moustache

|-| Going to sleep

:@) Pig

\o/ Praise the Lord

*<:o) Clown

:-{)} Sender has moustache & beard

:=8) Baboon

8^ Chicken

~#:-( Bad hair day

:'-( I am crying

:*) I' tipsy

:-o Oh

O:-) Innocent

&:-) Sender has curly hair

அழகான பெண்களுக்கான அழகான அலைப்பேசிகள் (Cell Phones)

திரு..!

2009-03-30T20:31:00.000+04:00

திரு...
இது நாமெல்லாம் சிறியவர், பெரியவர், கண்ணாலம் ஆயி பேந்த பேந்த முழிப்பவர், கண்ணாலம் பண்ணசொல்லி ஒத்தகால்லே நிற்பவர் எல்லோரையும் ஒரு மரியாதை நிமித்தமா திரு என்று பெயருக்கு முன்னாடிப்போட்டு அழைப்பது வழக்கம். ஆனால் பெண்களை செல்வி (நான் அம்மாவை சொல்லலேங்க) என்றும் திருமதி என்றும்தான் அழைக்கிறோம். நா சொல்ல‌ வார‌து என்னவென்றால்.. த‌மிழ் நாட்டிலே உள்ள‌ சில‌ அதிக‌மான‌ ஊர்க‌ளெல்லாம் திரு... என்று ஆரம்பிக்கும் நிறைய‌ ஊர்க‌ளை நான் இங்கே கோடிட்டுகாட்டிருக்கிறேன்.. இதுலே கூட‌ ஆணாதிக்க‌ம் அப்போவே எந்த‌ள‌விற்கு குந்த‌வெச்சிக்கிட்டு உக்காந்திருக்குனு பாருங்க‌ ம‌கா ஜ‌ன‌ங்க‌ளே

திரு ப்பூர்

திரு ப்பாச்சி

திரு நெல்வேலி

திரு வாரூர்

திரு த்துறைப்பூண்டி

திரு வ‌ண்ணாம‌லை

திரு ச்சி

திரு ச்செங்கோடு

திரு ச்சிற்றம்ப‌ல‌ம்

திரு வான்மியூர்

திரு வெற்றியூர்

திரு த்த‌ணி திரு வள்ளூர்
திரு ச்சூர்
திரு செந்தூர்
திரு காட்டுப்பள்ளி

திரு ..... இப்ப‌டி நிறைய ஊர்களை சொல்லலாம் (இன்னும் நிறைய ஊர்கள் இருக்கலாம் விடுபட்டதிற்கு மன்னிக்கவும்)

ஏதோ நம்மாள் முடிஞ்சதை சொல்லிப்புட்டேன்,
பெண்களுக்கு சம உரிமை, பெண்களுக்கு எல்லாவிதத்திலும் முன்னுரிமை என பேசப்படும் இவ்வேளையில் இது பற்றி என்ன நடவடிக்கை எடுக்கப்போகிறது மாதர்சங்கம்..

டிஸ்கி: பத்தவெச்சிட்டியேடா பரட்டை

உன் வெற்றிடம்..!

2009-03-18T17:11:00.001+04:00

அன்றாடம் காலையிலே பள்ளி செல்லும்போது
கன்னத்திலே முத்தமிட்டு என்னை எழுப்ப நீயில்லை...
அலாரத்தின் அலறலில் திடுக்கிட்டெழுகிறேன்
உன்னை தேடுகிறேன் அன்று முழுவது உன் நினைவுகளை சுமந்துக்கொண்டு..!

அலுவலக வேலைப்பழுவிலும் உணவு இடைவேளையில்
மதிய உணவை நான் ஊட்டி என்னோடு சேர்ந்துண்டாய்..
இப்பொழுதெல்லாம் ஏனோ தொண்டைக்குழியைவிட்டு இறங்க மறுக்கிறது உணவு.

தொலைப்பேசியில் கூட பேசிறாதவன்
என்னோடு பேசவேண்டுமென்பதற்காக அலைப்பேசியைக்கூட இயக்க கற்றுக்கொண்டாய்

மாலையில் வீடு திரும்பியதும்
என்னோடு செல்லச்ச‌ண்டைபோட நீயில்லாம‌ல்
துவ‌ண்டு விழுகிறேன்
இங்கு அனாதையாய்! இன்னும் உன‌க்கு பிடித்த‌மான‌ என்ன‌ன‌மோ

விளப்பரப்படங்களில் வரும் குழந்தை நட்சத்திரமாகவே மாறி நடிக்கும் உனது ஆற்றல், ஒரு தடவை கேட்ட திரைப்பட பாடலை வரிப்பிசகாமல் பாடும் உனது திறன் மீண்டும் காணக்கிடைக்கும் நாள் எந்நாளோ?

நீ பார்த்து ரசித்த கார்ட்டூன், சுட்டிடீவி, கம்பூட்டர்கேம்ஸ்
இதையெல்லாம் இப்போது நானும் ரசிக்க ஆரம்பித்துவிட்டேன்

இரவு உறக்கம் தொலைத்து
வானத்தை நோக்குகிறேன்
அங்கே நட்சத்திரங்களுக்கெல்லாம்
இளவரசனாக மின்னி
என்னை ஆர்ப்பரித் து உறங்கச்செய்கிறாய்

உனக்கு பிடித்தமான இட‌ங்களும்
உனக்கு பிடித்தமான உணவுகளும்
உனக்கு பிடித்தமான அனைத்தையும்
உன் நினைவுகளாக சுமந்துக்கொண்டு
பொய்யாக நாட்களை கடத்துகிறேன்
உண்மையான நாட்களை தேடி...

உலகின் பெரிய சரக்கு கப்பல்

2009-03-12T18:09:00.001+04:00

உலகின் மிகப்பெரிய சரக்கு கப்பல் நிறுத்திவைக்கப்ப்ட்டுள்ளது

இது பெரிய ஏர்கிராஃப்ட் கப்பலைவிட பெரியது, இதில் 15,000 கன்டைனர்களை ஒரே நேரத்தில் ஏற்றலாம், இதில் 13 மாலுமிகள் வேலைசெய்கிறார்கள், இது ஆழ்கடலில் செல்லும் அளவிற்கு வடிவமைக்கப்ட்டுள்ளது, பனாமா மற்றும் சுவிஸ் கால்வாயை கடப்பது என்பது அவ்வளவு எளிதானது அல்ல என்கிறார்கள்

கப்பல் ஆழ்கடலிலோ (அ) சிறு கோளாறுனாலோ மாட்டிக்கொண்டால் அதை இழுக்குக் கப்பல் கூட இதன் பக்கத்தில் மழைப்பெய்தால் செய்துவிடும் காகிதக்கப்பல் போல் காட்சியளிப்பதை பாருங்கள். கட்டுப்பாட்டு அறை 10 மாடிகளைக்கொண்டதாக உள்ளது (யம்மாடிவோவ்)

55.80 கிமீ/ஹவர் வேகத்தில் செல்லக்கூடியது. சீனாவிலிருந்து கலிஃபோர்னியாவுக்கு செல்வதற்கு அதிகபட்சம் 4 நாட்கள் ஆகுமாம்

11 கிரேன் ஒரே நேரத்துலே ஏற்றுமதி/இறக்குமதி செய்யும் அளவிற்கு பெரியது,

இதன் நீளம்-‍ 1,302 ft (396.85 meteர்ச்.), அகலம் 207 ft (63.1 meteர்ச்.), மொத்த கொள்ளலவு - 123,200 டொன்ச், டீசல் எஞ்சின்- 14 சிலின்டர் (உள்ளாலே), அதிகபட்ச Power Output - 108,920 மெட்ரிக் ஹார்ஸ் பவர், அதிகபட்ச வேகம்- 31 Knots (55.80 km / h.). முதல் விசிட் 13 மாலுமிகளுடன் சென்றது, அதனோட செலவு $145,000,000 US

கப்பலின் எஞ்சின்

எஞ்சின் – 108,920 ஹ்ப், எஞ்சின் அளவு: 26.7ம் நீளம் x 13.2ம் உயரம், எடை: 2,300 Tonச் எரிசக்தி: 6,275 Litres per Hour

பிஸ்ட‌ன் ராட் 1 டையா மீட்ட‌ர்

மோட்டார் பிளாக்

பணம்! பணம்! பணம்! ஒரு வரலாறு...

2009-03-09T12:20:00.001+04:00

பணம்..! இதுதான் வாழ்க்கையின் அடிப்படை தேவை, மனிதன் இதை தேடித்தான் அழைகிறான். உலக வரலாறுகளை புரட்டிப்பார்த்தோமேயானால் பணம் எந்தவகையில், எந்த வடிவில் பயன்பாட்டில் இருந்திருக்கிறது என்பதை தெளிவாக எடுத்துரைக்கிறது. நாம் இந்தியாவில் ஆங்கிலேயர்கள் முதன்முதலில் காலனி ஆதிக்கம் செலுத்தியதிலிருந்து சுதந்திரம் அடைந்தது வரை பணம் புழக்கத்திலிருந்ததையும் எப்படியெல்லாம் மாற்று உரு பெற்றதையும் பார்க்கலாம்...

முதன் முதலில் பிரிடிஷ் இந்தியர்கள் விக்டோரியா போர்ட்ரைட் ('Victoria Portrait') என்று தொடர்ச்சியாக 10, 20,50,100,100 நோட்டுகளை வெளியிட்டார்கள், இது பார்ப்பதற்கு ஒரே மாதிரியான தோற்றத்துடனும், இரண்டு மொழிகளில் அச்சிடப்பட்டும், கையில் மடிக்ககூடியதாகவும் இருந்தது. அதனுடைய பாதுகாப்பை கருத்தில்கொண்டு வாட்டர்மார்க்கில் கவர்ன்மெண்ட் ஆஃப் இந்தியா மற்றும் இரண்டு கையெழுத்துடனும், பதிவுசெய்யப்பட்ட பிரிண்ட் காணப்பட்டன.

10 மற்றும் 100 ரூபாய் நோட்டுக்கள்

பிரிடிஷ் இந்தியா வெளிநாடுகளுக்கு பணம் அனுப்பும்போது பாதுகாப்பு கருதி inter-spatial என்ற முறைய பயண்படுத்தினர், அதாவது முதலில் பாதியாக கிழிக்கப்பட்டு முதல் பாதி நோட்டு அனுப்பப்படும், பின்னர் அது கிடைத்தது உறுதிசெய்யப்பட்டபிறகு ரிஜிஸ்டரேஷன் எண் வைத்து இரண்டாவது பாதி அனுப்பப்பட்டு பணத்தை பெறுபவரிடம் ரிஜிஸ்டரேஷன் எண் சரிபார்க்கப்பட்டு விணியோகிக்கப்படும். அந்த பாதியாக கிழிக்கப்பட்ட நோட்டு

1917 நவம்பர் 30ம் தேதி சிறிய பிரிவு நோட்டுஎன்ற ஒன்றை அறிமுகப்படுத்தி 1 ரூபாய் மற்றும் 2 ரூபாய் அன்னாஸ் எய்ட் (Rupees Two and Annas Eight)ஆகிய நோட்டுக்களை வெளியிட்டது. நாளடைவில் இதை அதிகளவில் புழக்கத்தில் இல்லாமல் போகவே 1920 ஜனவரி 1 ல் நிறுத்தப்பட்டது.

One Rupee - Observe 2 Rupees Annas Eight

One Rupee - Reversible

1923‍ம் வருடம் 'King's Portrait' என்ற முறையில் கொஞ்சம் மாற்றி அமைத்து color code அடிப்படையில் வெளியிடப்பட்டது

Green Underprint - Rupees Five Green Underprint - 500

Ren Underprint - Rupees Fifty

பிறகு 1923ம் வருடம் மே மாதம் portrait of George V என்ற முறையை அறிமுகப்படுத்தி நிறைய மாற்றங்கள் செய்து 5,10,50,100,500,1000,10000 நோட்டுக்கள் அறிமுகப்பத்தி அதை ஸ்டேட் பாங்க் ஆஃப் இந்தியா தன் கட்டுக்குள் வைத்திருந்தது.

100 Rupees 1000 Rupees 10,000 Rupees 50 Rupees

1940 ஆகஸ்ட் உலக போரின்போது மீண்டும் 1, 2 ரூபாய் காயின்களை அறிமுகப்படுத்தியது

முதன் முதலில் செக்யூரிட்டி ஃப்யூச்சரை கருத்தில் கொண்டு State Bank of India கீழ்க்காணும் நோட்டுகளை அறிமுகப்படுத்தியது

இது இந்தியா சுதந்திரம் அடைந்தும் (1947), இந்தியா குடியரசு நாடாக பிரகடணப்படுத்தும் வரையிலும் புழக்கத்தில் இருந்தன‌

Quote:-

"நான் பணத்தை பார்த்து நீ வெறும் காகிதம் என்றேன், அதற்கு ஆம் நான் காகிதம்தான் ஆனால் என் வாழ்க்கையிலேயே குப்பைத்தொட்டியை பார்க்காதவன் என்றது"

இடி! மின்னல்!!

2009-02-28T11:00:00.001+04:00

மேகம்
சற்று முன் குளித்த அடர்ந்த தன்
கருங்கூந்தலிருந்து
வடியும் நீர் போல்
அடைமழை...!

குளிரின் தாக்க‌த்தால்
ந‌ம் இருவ‌ரின்
கைக‌ளும்
சூடான‌ இட‌த்தில்
ஆனால் ந‌ம்
உத‌டுக‌ள் ம‌ட்டும்
உத‌ற‌ளில்..

குளிருக்கு விடை கொடுப்பதற்காக‌ உன் இத‌ழ் பிரித்து
என் இத‌ழை நுழைக்க‌யில்..

பொறாமையின் உச்ச‌த்திலிருந்த‌
இடியும், மின்ன‌லும்
க‌ங்க‌ணம் க‌ட்டிக்கொண்டு
ச‌த்த‌மாக‌வும், ஒளிக்கீற்றாக‌வும்
ஓல‌மிட்டன..

இதை ச‌ற்றும் எதிர்பாராத
நீ ப‌ய‌த்தில்
திடீரென்று என்னை விட்டு
ஓடினாய் வில‌கி..

இதைக்க‌ண்ட‌
இடியும் மின்ன‌லும் சாதித்துவிட்டோம் என்று
கேளியாய் கைக்கொட்டி சிரித்த‌ன‌

ஆனால்....

ந‌ம் முத்த‌ம் ம‌ட்டும்
ஏக்க‌மாய்...???

வழக்கிலுள்ள தமிழ் சொற்கள் - ‍ நடைமுறை சொற்கள்.!!

2009-02-25T15:58:00.001+04:00

அப்பாடா.! ரம்யா அவர்களின் அழைப்பு, தேவா அவர்களின் பிடிவாரண்ட், ராகவாண்ணா அவர்களின் அன்புக்கட்டளை இதையெல்லாம் பார்க்கும்போது எனக்குள் ஒரு இது (அதாங்க வெறி), நாமும் ஏதாவது சொல்லனும், இதுக்குமேலே விட்டால் அப்புறம் சரியா வராதுனு யோசிச்சேன்... யோசிச்சேன்.... கடைசிலே ஒன்னுமே புலப்படலே. ஆணி புடுங்குறதுலேயே கவனம் இருந்தது, சரிதான் இப்போதைக்கு ஏதாவது சொல்லித்தான் ஆகோனும் இல்லேனா மேலே எனக்காக வக்காலத்து வாங்கியவர்கள் கோவிச்சிக்குவாங்கனு, இப்படி ஒரு (விபரிதமான?) முடிவு எடுத்துவிட்டேன்.

த‌மிழ், இதுதாங்க‌ ந‌ம்மோட‌ தாய்க்கெல்லாம் தாய் மொழி (அடிக்க‌ வ‌ந்துடாதீங்க‌), ஆனா இதை பேசும் வித‌ம் ஓவ்வொரு நாட்டில் வாழும் ம‌க்க‌ளிடையேயும், ஒவ்வொரு மாநில‌த்தில் வாழும் ம‌க்க‌ளிடையேயும், ஓவ்வொரு மாவ‌ட்ட‌த்தில் வாழும் ம‌க்க‌ளிடையேயும் ஏன் ஒவ்வொரு ம‌க்க‌ளிடையேயும் வேறுப‌டும் (இது நிரூப‌ன‌மான‌ உண்மை). வ‌ழ‌க்கொழிந்த‌ மொழி என்ப‌தை திரும்ப‌ ஞாப‌க‌ப்ப‌டுத்துவ‌த‌ற்கான‌ ப‌திவு என்ப‌து எல்லோருக்கும் தெரிந்த‌ பொதுவான‌ க‌ருத்து, இது எல்லா த‌மிழ் பேசும் ப‌டிக்கும் ம‌க்க‌ளுக்கும் இது சாத்திய‌மே, இருந்தாலும்....

நாம் யாருமே சுத்தமான சங்கத்தமிழில் பேசுவது இல்லை. நடைமுறைப்பேச்சு, படிப்பதற்கு ஒரு பேச்சு அப்படினு நிறைய சொல்லலாம். த‌மிழ் நாட்டிலுள்ள‌ சில‌ ப‌ல‌ மாவ‌ட்ட‌த்தில் பேச்சுவ‌ழ‌க்கில் உள்ள‌ ம‌ற்றும் அவ‌ர்க‌ள் பேசும் வித‌ம் வேறுப‌டும், அதுக்காக‌வே த‌னி டிக்ஷ‌ன‌ரியெல்லாம் (அதாங்க சிறந்த மொழிப்பெயர்ப்பாளர்) நாம் வைத்துக்கிட்ட‌து உண்டு, இல‌ங்கை த‌மிழ் கூட‌ அதில் ஒரு வ‌கைதான். இன்னும் ஒரு படி மேலே போய் சிங்கார சென்னை தமிழ், திருநெல்வேலி தமிழ், இப்படி சொல்லிக்கொண்டே போகலாம். அதுக்கென்னா என்கிறீர்க‌ளா? அதாங்க‌ சொல்ல‌ வாரேன், நாம் பேசும் பேச்சை புரிந்துக்கொள்வ‌து கூட‌ ஒரு வகையான‌ வ‌ழ‌க்கில் வாழும் மொழிதான். நான் இந்த‌ வித்தியாச‌மான‌ (அப்ப‌டினு நான் நினைக்கிறேன்) முய‌ற்சியாய் ந‌ம் ம‌க்க‌ளிடையே பேச்சுவ‌ழ‌க்கில் உள்ள இந்த பேச்சு அதிகமாக ஒரு பகுதியை சேர்ந்த குறிப்பாக பெண்களிடையே உலா வரும் வட்டாரத்தமிழ், பேச்சுவழக்கில் உள்ள‌ சொற்களும் அதற்கான சரியான அர்த்தமும்....

திடுதூரா                                         =   திடீரென
ஓங்காரம்                                       = வாந்தி
மசக்கம்                                          = மயக்கம்
கோதாரி                                         = வறட்டு பிடிவாதம்
கூப்பாடு                                          = விருந்தழைப்பு
திட்டு முட்டு, செரவடி, தெகரடி=சொல்லயியலாப் பிரச்சினை

இங்கிரு                                           = இங்கேப் பார்
எசலு, சலுவு                = காரணமில்லால் வம்பு இழுத்தல்
பொவ்மானம்                                 = திமிர், ஏளனம்
ஒரு வாட்டி                                   = ஒரு தடவை
தாயபுள்ள                                       = சொந்த பந்தம்
பொரத்தியான்                                = அந்நியன்
சும்மாத்துக்கும்                              = வெறுமனே
உட்ரு/உர்ரா                                     = விட்டு விடு
என்னன்டு                                         = என்ன வென்று
நாசுவென்                                         = நாவிதன்
உச்சிஉரும நேரம்                           = உச்சி வெயில் நேரம்
மாலமணி நேரம்                      = சூரியன் மறையும் நேரம்
வீதல்ரோடு                             = உடைந்த கண்ணாடி துண்டு
சீந்தாப்பு                                              = மழைத்தூரல்
சீக்கனம்,வெள்ளனமே, சுருக்கன     = சீக்கிரம்
பொத்தல்                                            = ஓட்டை
ஒசக்கெ                                               = உயரத்தில்
கானு                                                   = சாக்கடை
முடுக்கு                                              = சந்து
அவுருவம்                                          = அரிதானது
நல்ல நாளு, பெரிய நாளு            = முக்கியமான நாட்கள்
இருட்டுக்கசம், மைக்கசம்                 = இருள்

தினுசு, தினுசா                                    = வித, விதமாய்
மப்பு                                                     = மேக மூட்டம்
மூடாத்து                     = விவரம் இல்லாதவன்/முட்டாள்
என்னான்டாக்கா                                 = என்ன வென்றால்
குட்டான்                                             = கையால் நெய்த கூடை

நான் ரொம்ப நல்லவனாக்கும், யாரையும் மாட்டிவிட விரும்பலே. இதைப்படித்துவிட்டு அவுகளாகவே அவுகளுக்கு தெரிந்த பேச்சு வழக்கிலுள்ள‌ மேலே குறிப்பிட்டுள்ளபடி ஒரு பதிவாக போட்டால்... அதை படித்துவிட்டு அந்தந்த ஊருகளுக்கு போகும்போது மொழிப்பிரச்சினையில்லாமல் தப்பிக்கலாம். அல்லது பின்னூட்டமாகவும் சொல்லலாம்.

உலக அரங்கில் தமிழுக்கு ஒரு அங்கீகாரம்

2009-02-23T10:41:00.001+04:00

தமிழன் என்று சொல்லடா தலை நிமிர்ந்து நில்லடா அன்று சொன்னான் பாரதி, இன்று அந்த கனவு நனவாகி உலக அரங்கில் தலை நிமிர்ந்து தமிழர்களாகிய நாம்.

கடந்த 81 வருடங்களில் உலக அரங்கில் பிரபல ஜாம்பாவன்களுக்கு மத்தியில் ஒரு வார்த்தை "எல்லா புகழும் இறைவனுக்கே..!" என்று பேசி தமிழ் மொழியை உலக மத்தியில் எடுத்துச்சென்ற ஒரு தமிழனுக்கு அவருக்கு கிடைத்த உலகின் உயர்ந்த விருதான ஆஸ்கர் விருது மூலம் நம் அனைவருக்கும் குன்றின் மேலிட்ட விளக்காய் புகழைத்தேடி தந்துள்ளார்.

அவருடைய பொறுமைக்கும், அடக்கத்திற்கு கிடைத்த விருது.

அமைதியின் இலக்கணமாய் இருந்தாய்
சூராவளியாய், புயலாய், வெகுண்டெலுந்த அலையாய் கரை கடந்தாய்
பழமை மொழியாம் தமிழை உலக அரங்கில் உச்சரித்து உச்சத்துக் சென்று புதிய வரலாறு படைத்த‌ உனக்கு
ஒரு தமிழனாய், ரசிகனாய் எங்களுடைய பாராட்டுக்களும், வாழ்த்துக்களும்.

வாழ்க்கையில் எல்ல வளங்களும் பெற்று மென்மேலும் தமிழனின் பெருமையை எடுத்துரைக்கும் வண்ணம் மேலும் பல அவார்ட்களை குவிக்க எல்லாம் வல்ல இறைவனை பிரார்த்திக்கிறோம்.

தொடர் வேலையிழப்பு‍ - தற்காத்துக்கொள்ள வழிமுறைகள்

2009-02-19T09:22:00.001+04:00

நீங்கள் மாத சம்பளம் அடிப்படையில் வேலைப்பார்ப்பவரா? ஆம் என்றால் கண்டிப்பாக நீங்கள் இதை படிக்கத்தான் வேண்டும்.

மச்சான் எனக்கு லெட்டர் கொடுத்துட்டாங்க, என்னோட பேரும் ஷார்ட் லிஸ்ட்லே இருக்கு, தலைக்கு மேலே கத்தி தொங்கிக்கிட்டு இருக்கு அது எப்போ விழுமோ தெரியலே.. இப்படி நிறைய புலம்பல்கள் நாள்தோறும், மாசக் கடைசியில் (இப்போவெல்லாம் யாருங்க மாசக்கடைசிலே சம்பளம் கொடுக்கறா) சம்பளம் வருமோ வராதோ, எனக்கு இந்த மாசம் சம்பளம் லேட்டு மச்சான், என்ன செய்றதுனு தெரியலேடா, வாடகை தொல்லை, கரண்ட் பில் தொல்லை (கரண்ட் இல்லாமல் எப்படிங்க பிளாக் படிக்கிறது??), இது பரவா இல்லை எப்படியோ சமாளிச்சிடலாம்.. நமக்காக நம்மளையே நம்பி வூட்டாண்ட எத்தனை ஜீவன்கள் காத்திருக்கு (இதே கரண்ட், ஸ்கூல் பீஸ்.. அங்கேயும் தொடரும்..)

"Last in First out.." இதுதாங்க ரொம்ப மோசமான நிலமை இப்போதைக்கு, என் நண்பன் இப்போதாங்க புது வேலைக்கு மாறினான், மச்சான் இரண்டு மடங்கு சம்பளம், புது டபுள் பெட்ரூம் ஹால் ஃப்லாட் ரொம்பா சந்தோசம்னு சொன்னான், ஒரு மாசம் சம்பளம்கூட வாங்கலே, ஒரே புலம்பல், இப்போ அவனும் வேலை இல்லாமல்... மற்ற கம்பெனிகளுக்கு ஏறி இறங்கியபடி, அப்படியே கிடைத்தாலும் பழைய கம்பெனியில் கிடைத்ததைவிட 40% குறைச்சு சம்மளம் தாறேனு கூப்பிடுறாங்க. இதுதான் இப்போதைக்கு எல்லா கம்பெனிகளும் ஃபாலோ பண்ணும் தாரக மந்திரம்.

வருகின்ற மாதங்களில் உலகம் முழுவதும் 130 கோடி மக்கள் வேலை இழப்பார்கள் என்றும் 80,000 கம்பெனிகள் வருமானம் ஈட்டமுடியாமல் மூடப்படும் என்றும் International Labour Organization (ILO) சர்வே நடத்தி ஒரு ரிப்போர்ட் கொடுத்திருக்கு. சர்வதேச அளவில் வேலை இல்லாதோர் எண்ணிக்கை 2007‍ம் ஆண்டு 1.8 கோடியாக இருந்தது 2009‍ம் ஆண்டு 5 கோடியாக மேலும் அதிகரித்துள்ளது. நிலமை மேலும் மோசமடைந்து வருவதாக ஐ.எல்.ஓ பொது செயலாளர் ஜீவான் சோமாவியா கடந்த வாரம் ஜெனீவாவில் சர்வதேச அளவில் வேலையில்லா வாய்ப்பு நிலவரம் குறித்த அறிக்கையில் குறிப்பிடுகிறார்.

சரி அதெல்லாம் இருக்கட்டும், நாம என்னதான் திறமைசாலியா இருந்தாலும் நாம் வேலைப்பார்க்கிற கம்பெனிக்கு நல்ல பிஸினஸ் மற்றும் வருமானம் வந்தாதானே வேலையும் கொடுத்து சம்பளமும் (முடிந்தால் போனஸ், கமிஸன்) கொடுப்பார்கள். இப்பொவெல்லாம் நிறைய கம்பெனிகள் புது உத்தியை கையாளுகின்றது, அதாவது தாங்களே வேலை விட்டு தூக்கினால் International Labour சட்டப்படி அவருக்கு சேரவேண்டிய கிராஜுவேட்டி, 30 நாள் நோட்டீஸ் பீரியட், எக்ஸட்ரா... கொடுக்கனும். அதுக்கு பதிலா அவர்கள் செய்யும் யுக்தியானது கம்பெனிக்கு தேவைக்கு அதிகப்படியான செலவைக்குறைப்பது, செய்துகொண்டிருக்கும் பிஸினஸை பொருளாதாரம் காரணம் காட்டி நிறுத்துவது, இன்னும் பல.. அப்போ தானாகவே ஊழியர்களுக்கு வேலை இருக்காது, இப்படி எத்தனை நாளைக்குதான் செவ்வனேனு சும்மாவே இருப்பாங்க‌.. தானாகவே முன்வந்து வேலையை ராஜினாமா செய்துக்கொண்டு போய்விடுவார்கள், இப்படி செய்வதால் ஊழியர்களுக்கு கொடுக்கவேண்டிய தொகை கணிசமாக குறைகிறது...

இதே நெருக்கடியினால் வெளிநாடுகளில் வாழும் பெற்றோர்கள் பரவலாக தாங்கள் பிள்ளைகள் படிக்கும் பள்ளிக்கூடங்களில் 100,000 லிருந்து 1 மில்லியன் வரை மாற்றுச்சான்றிதழ் (Transfer Certificate) கேட்டு விண்ணப்பித்துள்ளதாக ஒரு நம்பத்தகுந்த செய்தி சொல்கிறது.

சரி இப்போதைக்கு வேலையிலிருப்பவர்கள் இருக்கும் வரை எப்படியெல்லம் தாங்களை தயார்படுத்திக்கொள்ள வேண்டும்.. இதோ.. சில நல்ல தகவல்கள்..

நான் ஒரு வேலைசெய்பவன் (I am an Employee)
* என்னுடைய வேலை நிரந்திரமாக்கபடவேண்டும்
* நான் EMI கட்டவேண்டும்
* என்னை நம்பி எனது குடும்பம் இருக்கிறது
* எனக்காக வேலையை தொடர்ந்து செய்யவேண்டும்
* இனிமேல் சிறுகளகாவது பணம் சேமிக்க வேண்டும்

அப்போ இதையெல்லாம் தீவிரமாக கடைப்பிடியுங்கள்

எதுவெல்லாம் செய்யக்கூடாது
* ரொம்ப நாள் விடுப்பு, வெக்கேஷன்
* சம்பள உயர்வு, ப்ரமோஷன் (உங்களைப்போல் திறமைப்படைத்த குறைந்த சம்பளத்திற்கு ஆள் ரெடியா இருப்பதை மறக்கவேண்டாம்)
* பிற‌ரைப்பற்றி கம்ப்ளெயின் பண்ணுவது, டிரான்ஸ்ஃபர் ஏற்காமல் இருப்பது, சம்பளம் கட் பண்ணால் ஏன் என்று கேட்காமல் இருப்பது
*அதிக வேலை கொடுத்தாலோ, தேவையான போது அலுவலகத்தில் நேரம் செலவழித்து கொடுக்கப்பட்ட அஸ்ஸெயின்மென்ட் முடித்துக்குகொடுக்காமல் இருப்பது *பர்ஸனல் லோன், கிரெடிட் கார்ட் போன்றவற்றை தவிர்ப்பது * முக்கியமாக வேறு வேலைக்கிடைத்தால் மறந்தும் கூட மாறாதிருப்பது

எதுவெல்லாம் செய்ய வேண்டும்

* குறித்த நேரம் அலுவலகத்தில் இருப்பது
*குறித்த நேரத்திற்கு முன்னாடியே கொடுத்த அஸ்ஸெயின்மென்ட் ஒப்படைப்பது
*மேலும் வேலை குறித்த/சம்பந்தமான knowledge Improve பண்ணுவது
* கம்பெனிக்கு உண்மையா செயல்படுவது
* நிறைய ட்ரெயினிங் செல்வது
*குழு அமைத்து செயல்படுத்துவது அதன் மூலம் மற்றவர்களி ஊக்கப்படுத்துவது
* கம்பெனிக்கு வீன் செலவை சேமிப்பது
*எப்பவுமே சந்தோஷமாக இருக்க பழகிக்கொள்ளவேண்டும்.

செலவை குறைப்பது எப்படி?
* ஷாப்பிங் மால் செல்வதை குறைப்பது, நம்ம கை ஓட்டைனு நமக்கே தெரியாது, இருக்கவே இருக்கு கிரெடிட் கார்ட்
*அதிகப்படியாக ரெஸ்ட்டாரண்டில் சாப்பிடுவதை குறைப்பது
* அன்றாடம் தேவையானவற்றை மட்டும் வாங்குவது
*அடிக்கடி வெளிநாடுகளுக்கும், வெளியூர்களுக்கும் போவதை தவிர்ப்பது
* அன்றாடம் கணக்கு வைத்து செலவு செய்வது

இதெல்லாம் இருக்கட்டும், இது ச்சும்மா கொஞ்ச நாளைக்குதான். இதே மாதிரி குழப்பத்திலிருந்து விடுபட இப்போ நம்ம அட்வைஸ் அண்ணாத்தே டிஸ்கி வந்து என்ன சொல்றாருனு கேட்போம்..

* குடும்பத்துடன் மற்றும் குழந்தைகளிடனும் அதிகநேரம் செலவு செய்யவேண்டும்
* காலார நடந்து எக்ஸசைஸ் செய்யனும்
* மனதுக்கு இதமான இசை கேட்கவேனும்
* நண்பர்களுடனும், உறவினர்களுடனும் நேரம் செலவு செய்யனும்
*அதிகமான பொது சேவையில் கவனத்தை செலுத்தவேணும்.

பி.கு.: இதையெல்லாம் கடைப்பித்தும் தாங்களுக்கு வேலை இழப்பு ஏற்பட்டால், அதைதாங்க விதி அப்படினு ஒன்னு சொல்லி சமாளிப்பாங்க..

காணிக்கை..!

2009-02-14T02:21:00.001+04:00

காற்றுக்கு தெரியும்
உன் நினைவுகளை மட்டுமே சுவாசிக்கிறேனென்று

நிலவுக்கு தெரியும்
நாள் தோறும் தேய்கிறேனென்று

தூக்கத்திற்கு தெரியும்
கனவுகளில் நீ மட்டும் வருகிறாயென்று

இருட்டுக்கு தெரியும்
உன் கண்ணிமையின் வெளிச்சத்தில் நடக்கிறேனென்று

இந்த உலகுக்கு தெரியுமா?
நம் இருவர் உயிர்களும்
பைத்தியமாய் அழைகிறது என்று..!

------------------------------------------------------------------------------------------------------

இசையை வெறுக்கிறேன்
உன் குரலை கேட்டப்பிறகு

எதையும் உற்று நோக்குவதை வெறுக்கிறேன்
உன் விழிகள் என் கண்ணுக்குள்ளே இருப்பதால்

தேவைக்கதிகமாய் பேசுவதை வெறுக்கிறேன்
உன்னிடம் தேவையைவிட‌ பேசுவதற்காக‌

கம்யூட்டர் கீஃபோர்ட் தட்டுவதையே வெறுக்கிறேன்
என் உணர்வுகளை ‌உனக்கு எழுத்துக்களால் வடிப்பதற்காக‌ ‌

கேட்கும் திறன் அதிகமாகிவிட்டது
நீ தொலைப்பேசியுனூடே கொடுத்த முத்தத்தின் சத்தத்தால்

நீ எங்கோயிருந்தோ கொடுத்த முத்தம்
என் காதுகளுக்கு அமிர்தமாய்

பொதுவாக கொடுக்கும் முத்ததினால்
காதுமடல் உலர்ந்து இதழ்கள் ஈரமாகும் தொலைப்பேசியுனூட கொடுத்த முத்தத்தால் இதழ்கள் உலர்ந்து காதுமடல் ஈரமானது..

உலகில் எங்கோ மூலையில்
நீ ஒரு புள்ளி
ஆனால் எனக்கு அந்த உலகமே நீதான்..!

------------------------------------------------------------------------------------------------------

தனியாக நடந்து போகும்போது
திடீரென்று உன் முகம் ஞாபகம் வரும்
அப்போது..!

நாம் இருவரும் ரசித்த பாடலை
எங்கேயாவது கேட்க நேரிடும்
அப்போது..!

தவறாக பேசி நீ திருத்திய
ஆங்கில வார்த்தையை
யாரிடமாவது உற‌வாட‌ நேரும்
அப்போது..!

அமைதியான‌ ஆழ்ந்த‌ உற‌க்க‌த்தில்
எங்கேயோ கேட்கும் இனிய‌ ஒலி
உன் வ‌ளைய‌லின் ஒலிதானோ என்று
திடுக்கிட்டு எழுவேன்
அப்போது..!

இப்ப‌டி சித‌றித்தான் போகிறேன்
அப்போதெல்லாம்..!
உன்னை ம‌ற‌க்கிறேன் என்று சொல்லி
உன் நினைவுக‌ளை ப‌த்திர‌ப்ப‌டுத்திக்கொண்டு...

------------------------------------------------------------------------------------------------------

காதலைப்போற்றும் இவ்வேளையில்
என் உயிருக்கு..!
காணிக்கையாக‌.. சில வரிகள்....

---------------------------------------------------------------------------------

வலைப்பதிவுகளின் பெயரில் ஒரு கவிதை

2009-02-12T14:13:00.001+04:00

ஒவ்வொருவரும் தன் வலைத்தள பதிவிற்கு தலைப்புகளை பார்க்கும்போது ஏதோ ஒரு காரணம் பின்புறம் ஒழிந்துகோண்டுதான் இருக்கிறது, இதையெல்லாம் சேர்த்து எனக்கு தோன்றிய கவிதைள். இது ஒரு சோதனை முயற்சிதான்.. பிடித்திருந்தால் பின்னூட்டத்தில் தெரிவிக்கலாமே..

என் உயிரே.. ல் தொடங்கி இதோ..

என் உயிரே..!

வானம் வெளித்த பின்னும் உறங்கிக்கிடக்கிறேன்
உன் ஸ்பரிசம் பட்டு எழுவதற்காக‌

மழைக்கு ஒதுங்கியே இருக்கிறேன் தூரல் நின்ற பின்னும் வரும் வாசனையா உன் வரவு

வானமும் வசப்படும்
நான் உன் வசப்பட்டதால்

கற்போம் வாருங்கள் என்றார்கள்
உன்னிடம் கற்றதைவிடவா

வானவில் வீதியில்
சூரியனும், சந்திரனும், நட்சத்திரங்களும் புடை சூழ உலா வருவோம்

மனசுக்குள் மத்தாப்பாய்
உன் அருகாமை

பிரிவையும் நேசிப்போம்..
பிரிதலில் காதலின் பிணைப்பு அதிகம்

நான் எழுத நினைப்பதெல்லாம்
நம் கடந்துபோன உறவைப்பற்றிதான்

தமிழ் துளியாய்
உன் காதல் ரசம் சொட்ட தித்திக்குது என் மனம்

கரையோர கனவுகளாய்
கடற்கரையோர‌ பாறையாய் உன் உணர்வலைகளை எதிர்ப்பார்த்து

மறவாதே கண்மனியே
உனக்குள் நானும் எனக்குள் நீயும்
கரைந்த அந்த நொடிப்பொழுதுகளை

கடல் புறாவாய்
உன் கைகோர்த்து இவ்வுலகை வலவர ஆசை

இதயப்பூக்களாய்
வாடாமல் எப்பவுமே புதுப்பொழிவுடன் என் காதல்

என் இதய ஊஞ்சலில்
உறக்கத்திலும் உன்னுடைய சுவாசஅதிர்வுவலைகள்

கவுகள், ஜன்னல்கள் பூட்டியே இருக்கின்றன‌
எப்படி நுழைகிறாய் என் கனவில்
அட என் இதயவாசல் திறந்தே இருக்கிறது உனக்காக‌

என் கனவில் தென்படுவதெல்லாம்
மரங்களில் அடர்ந்த பூக்களாய் என் வாழ்க்கை
அதிலுல்ல தேனாய் உன் காதல்
சுவைக்க‌யில் த‌னித‌னி இனிமை
அதில் முழுவ‌தும் நீ ப‌ட‌ர்ந்திருப்ப‌தால்

என் வானம்
எனக்கே சொந்தம் நம் காதலை உலகம் போற்றுவதால்

தமிழ் தோழியாய்
எனக்கு காதல் மொழி பேச கற்றுக்கொடுத்தாய்

Will to Live

ராகவன் நைஜீரியா

டொன்லீ

மண்ணிக்கவும்

இதை கோர்ப்பதற்கு வார்த்தைகளில்லை

திருமண வாழ்க்கை.. கசப்பா?

2009-02-10T14:14:00.000+04:00

திருமணம் சொர்க்கத்தில் நிச்சயிக்கப்படுகிறது...
ஏதோ ஒரு புண்ணியவான் சொல்லிவிட்டு சென்றது, இது மெய்யாலுமே உண்மையா? சரி சொர்க்கத்தில் நிச்சயிக்கப்படுகிறது என்று வைத்துக்கொள்வோம், நிச்சயிக்கப்பட்டபிறகு.. அது எந்தளவிற்கு நரகமாவிடுகிறது என்பது ஒரு பொதுவான புலம்பல்.
"ஒரு மனிதன் திருமணம் ஆன பிறகுதான் அவன் முழுமையாகிறான்..." இது எந்தளவிற்கு சாத்தியமாகும்..

பொதுவாக காதலிக்கும்போதும், திருமணநாள் நிச்சயிக்கப்பட்டு அந்த நாள் நெருங்கி வரும்போது உ ள்ள பரவசம் இருக்கே... அதுக்கு எத்தனை பதிவு போட்டாலும் பற்றாது.சரி காதலிக்கும் போது உள்ள அதே நெருக்கம், புரிதல், அன்பு எல்லாமே கல்யாணத்திற்கு பிறகும் அதே % குறையாத‌ அளவுடன் தொடருதா?
கல்யாணம் என்ற வார்த்தையை கேட்டாலே பலபேருக்கு கசக்கும், ஒரு படத்தில் கூட கமல்ஹாசன் தனது பெயரை பம்மல் ஊவ்வே.. சம்பந்தம் என்று சொல்வார். நிறைய திரைப்படங்களில் கதாநாயகன்/நாயகியின் காதலை மட்டும் காட்டிவிட்டு படத்தை முடித்துவிடுகிறார்கள்... அதற்கு பிறகுதான் உண்மையான காதலும் சமுதாயத்தில் பல சிக்கல்களை எதிர்த்து போராடும் வாழ்க்கையும் இருக்கு, இன்னும் பல திரைப்படத்தில் கூட இதைம் காட்டியிருப்பார்கள்.

அப்போ தீவிரமாக காதலித்து, சமுதாயத்தை எதிர்த்தும் பெற்றோர்களும் மற்ற உறவிணர்களும் தேவையில்லை என்றும் செய்து கொள்ளும் திருமணம் ஏன் அதே காதலோடு இருப்பதில்லை.. அப்போ அவர்கள் காதலித்தது வெறும் Infatuation தானா? வெறும் ஆசைதானா?

சரி அதெல்லாம் இருக்கட்டும்

வாழ்க்கையில் திருமணம் செய்துக்கொண்டு வாழ்க்கை நடத்தும் சில/பல குடும்பத்தலைவர்/ தலைவிகள் படும்பாட்டை இங்கே ச்சும்மா நகைச்சுவையாகவும்..., கற்பனையாகவும்...கீழே..

இப்பொழுதும்.. எப்போதும் வாழ்க்கையில் ஒன்றாகவே இருக்க விரும்புவார்கள்..

ஒரே வழியில் வாழ்க்கைப்பயணத்தை நடத்த திட்டமிடுவார்கள்

ஒருவருக்கொருவர் அழகான? புனை பெயர் கொண்டு அழைத்துக்கொள்வார்கள்

இருவரும் ஒன்றாகவே இணைந்து Shopping பண்ணுவதற்கு முடிவுவெடுத்து நடத்தியும் காட்டுவார்கள்

ஒரே சேனலை TV லே பார்ப்பதற்கு விருப்பப்படுவார்கள்

மரியாதையோடு பிரச்சினைகளை விவாதம் பண்ணி அதில் தீர்வு காண முயலுவார்கள்

ஒன்றாக குளிப்பதில் அலாதி பிரியம் இவருக்கு

வீட்டிற்கு வரும்போது அவரின் செருப்பை கொண்டுவர மறக்கமாட்டார்

எப்போவும்.. எங்கேயும் அவருடைய மணைவியின் நினைவுலேயே இருப்பார்..!

அலுவலக வேலைகளின் மெய்மறந்து இருப்பார்.. அதனால் அலுவலகத்தை விட்டு போக மனது வராது..

அமைதியாக கணவரின் வருகைக்காக வழிமேல் விழி வைத்து காத்துக்கொண்டிருப்பார்

நீங்களும் கார சாரமாக, சூடாக, கூலாக தாங்களின் விவாதங்களை பின்னூட்டமாக சொல்லலாமே..
இதன் மூலம் திருமணம் செய்ய போறவங்களுக்கு ஒரு எச்சரிக்கையாகவும்... திருமணமானவர்களுக்கு ஒரு ஆறுதலாகவும் இருக்குமே.......!!